Myftiu vizitoi Kryetaren e re
të Bashkisë Shkodër, znj. Voltana Ademi

Paraditen e së enjtes, më 10 shtator 2015, Myftiu i Shkodrës, Imam Muhamed B. Sytari, zhvilloi një vizitë urimi në zyren e Kryetares së re të Bashkisë Shkodër, znj. Voltana Ademi, për ta uruar me rastin e zgjedhjes së saj në drejtim të Bashkisë Shkodër.

Gjatë këtij takimi, znj. Ademi falënderoi Myftiun për vizitën, duke shprehur vlerësimet e saj për bashkëpunimet e deritanishme të Myftinisë Shkodër me Bashkinë e qytetit.

Kryetarja e re e Bashkisë Shkodër, tha se të gjithë duhet të jenë bashkëpunues për të mirën e Shkodrës dhe qytetarëve të saj. Ajo konfirmoi rolin elitar të Myftinisë Shkodër dhe komuniteteve fetare në drejtim të ruajtjes dhe forcimit të paqes sociale dhe harmonisë në mesin e besimeve dhe pasuesve të tyre.

Nga ana e tij, Imam Muhamed Sytari, pasi e uroi znj. Voltana Ademi për përzgjedhjen e saj në krye të Bashkisë Shkodër, theksoi se dyert e bashkëpunimit do të jenë të hapura dhe Myftinia do të jetë e gatshme për të dhënë kontributin e duhur në çdo moment, në këtë drejtim.

Me rastin e kësaj vizite, Myftiu i dhuroi Kryetares së re të Bashkisë Shkodër, znj. Voltana Ademi, një kujtim nga xhamia e kalasë Rozafa, ku theksoi se ky objekt kulti islam, dëshmon për shekujt e Islamit në vendin tonë dhe për frymën e besimit që karakterizon Shkodrën.

Myftiu tha se të gjithë duhet të bëjmë më shumë në drejtim të forcimit të besimit në shoqëri.

Në këtë vizitë, Myftiu shoqërohej nga antarët e Këshillit të Myftinisë Shkodër, z. Lavdrim Hamja, H. Fejzi Zaganjori dhe z. Arben Halluni.

 


Myftiu vizitoi Kryetaren e re të Bashkisë Shkodër, znj. Voltana Ademi
Myftiu vizitoi Kryetaren e re të Bashkisë Shkodër, znj. Voltana Ademi
Myftiu vizitoi Kryetaren e re të Bashkisë Shkodër, znj. Voltana Ademi
Myftiu vizitoi Kryetaren e re të Bashkisë Shkodër, znj. Voltana Ademi
Myftiu vizitoi Kryetaren e re të Bashkisë Shkodër, znj. Voltana Ademi
Myftiu vizitoi Kryetaren e re të Bashkisë Shkodër, znj. Voltana Ademi
Myftiu vizitoi Kryetaren e re të Bashkisë Shkodër, znj. Voltana Ademi
Myftiu vizitoi Kryetaren e re të Bashkisë Shkodër, znj. Voltana Ademi