Myftinia Shkodër

Ditën e mërkurë, më 9 shtator 2015, Myftiu i Shkodrës, Imam Muhamed Sytari, zhvilloi një takim pune në Qendrën Kulturore Turke “Yunus Emre”, në Shkodër, ku u prit nga drejtori, z. Ömer Osman Demirbaș.

Myftiu e falënderoi mikpritësin e tij për kontributet që Qendra Kulturore “Yunus Emre” jep në Shkodër, në kuadër të prezantimit të kulturës, artit dhe traditave turke, nëpërmjet aktiviteteve të ndryshme, kurseve, takimeve, konferencave etj.

Imam Muhamed B. Sytari dhe z. Ömer Osman Demirbaș diskutuan edhe në lidhje me bashkëpunimin dypalësh të Myftinisë Shkodër me Qendrën Kulturore Turke “Yunus Emre”, sidomos në prag të përkujtimit të 25 vjetorit të rihapjes së xhamisë së Plumbit dhe Mevludit Sherifë.

Gjatë këtij takimi, drejtori i Q.K.T. “Yunus Emre”, e falënderoi Myftiun e Shkodrës për vizitën, si dhe shprehu kënaqësinë e tij për të kontribuar në drejtim të bashkëpunimit me Myftininë e Shkodrës.

Ai tha se qëllimet e Q.K.T. “Yunus Emre”, janë të qarta, sidomos në drejtim të bashkëpunimeve të frytshme, që e forcojnë edhe më shumë lidhjen shekullore të dy popujve tanë dhe traditave të tyre të përbashkëta.

Ai konfirmoi edhe një herë se Q.K.T. “Yunus Emre” është e gatshme për të mirëpritur propozimet e Myftinisë Shkodër në drejtim të bashkëpunimit dypalësh.

 

---