Myftinia Shkodër

Pasditen e së enjtes, më 27 gusht 2015, u zhvillua mbledhja e parë e Këshillit të ri të Myftinisë Shkodër.

Me këtë rast, Myftiu i Shkodrës, Imam Muhamed B. Sytari, uroi fillimisht anëtarët e Këshillit të ri të Myftinisë Shkodër, duke theksuar se përgjegjësitë e çdo shërbyesi të misionit fisnik të Myftinisë Shkodër dhe të Thirrjes Islame, janë të mëdha, edhe përtej sfidave me të cilat përballemi ditë pas dite.

Ai tha se detyra e Myftiut dhe e Këshillit të Myftinisë Shkodër, është angazhimi maksimal në shërbim të qëllimeve, në përmirësim të rrugëtimeve dhe në respektim të udhëzimeve dhe moralit të fesë; Kur'anit dhe Traditave të Hz. Muhammedit (a.s).

Gjatë kësaj mbledhjeje të parë, u bë edhe prezantimi i secilit anëtar dhe e CV së tij, sikurse u bë edhe votimi për dy anëtarët e Këshillit të Përgjithshëm të KMSh.

Gjatë kësaj mbledhjeje, Myftiu shprehu nderimin dhe respektin e tij për anëtarët e Këshillit të kaluar, për të cilët tha se ndjehej i nderuar dhe krenar për punën e përbashkët, mirëkuptimin dhe shërbimet e dobishme të përbashkëta.

Këshilli i Myftinisë Shkodër, drejtohet nga Myftiu dhe ka në përbërje të tij:

1. Kujtim Dervishi, drejtori i Medresesë "Haxhi Sheh Shamia",
2. Arben Halluni, teolog,
3. Lavdrim Hamja, imam, xhamia e "Dy Vajzave",
4. Ruzhdi Plangaj, imam, xhamia Kiras,
5. Idmir Plaku, imam, xhamia "Ebu Bekër",
6. Altin Loshi, teolog/ekonomist,
7. Admir Temja, teolog,
8. Mit'hat Myftija, imam, xhamia e Plumbit,
9. Fejzi Zaganjori, imam, xhamia Rus,
10. Ardit Muça, inxhinier,
11. Gledian Gojashi, ekonomist,
12. Artur Tagani, teolog.

Në fund të mbledhjes, u bë edhe një lutje për mbarësinë dhe suksesin e Këshillit të ri të Myftinisë Shkodër.

 

---