Myftiu priti drejtorin e Shoqatës
"Xhamia Imam El-Buhari", Vjenë
18 gusht 2015
Paraditën e së
martës, më 18 gusht 2015, Myftiu i
Shkodrës, Imam Muhamed B. Sytari, priti
në një takim të përzemërt, z. Taulant
(Daud) Kurtabegu, drejtor i përgjithshëm
i Shoqatës Humanitare Kulturore
Shqiptare në Vjenë (Austri) - "Xhamia
Imam El-Buhari".
Gjatë këtij takimi, Myftiu shprehu
falënderimet e tij në drejtim të z.
Kurtabegu, për bashkëpunimin dypalësh me
Myftininë Shkodër, sidomos për projektet
e dobishme të realizuara, sidomos atë të
shpërndarjes së përkthimit të kuptimeve
të Kur'anit në gjuhën shqipe, gjatë
muajit Ramazan, iftaret vëllazërore në
oborrin e xhamisë "Ebu Bekër", ndihmën
ndaj nevojtarëve etj.
Dy bashkëbiseduesit diskutuan edhe për
realitetin e Thirrjes Islame në Shkodër
dhe Vjenë, si dhe obligimin e madh që
kanë muslimanët për prezantimin e
mësimeve të fesë nëpërmjet shembullit
personal dhe shoqërisë së mirë me
tjetrin.
Me rastin e kësaj vizite, Myftiu e ftoi
teologun Taulant (Daud) Kurtabegu, të
mbajë një hytbe xhumaje këtë javë.
 |
