Iftari në oborrin e xhamisë së Fushë Çelës...
12 korrik 2015
Ditën e dielë, më 12
korrik 2015, Myftinia Shkodër në
bashkëpunim me Shoqatën Humanitare
Kulturore Shqiptare në Vjenë (Austri) -
"Xhamia Imam El-Buhari", organizoi një
iftar në oborrin e xhamisë "Ebu Bekër",
në Fushë Çelë.
Në fjalën e rastit, Myftiu i Shkodrës,
Imam Muhamed Sytari falënderoi të
pranishmit dhe shprehu emocionet e tij
për këtë tubim, në të cilin ishin
mbledhur pjesëmarrësit e rregullt në
aktivitetin e Hatmes Sherife, leximit të
plotë të Kur'anit, që edhe sivjet u
organizua në xhaminë e Parrucës.
Myftiu u lut edhe për fëmijët e
pranishëm, një pjesë e mirë e të cilëve
kanë prezantuar ditë për ditë në leximin
e Kur'anit.
Njëkohësisht falënderoi edhe
koordinatorin e projektit të këtij
iftar, z. Sidrit Kurtabegu, duke
shprehur mirënjohjen e Myftinisë Shkodër
për këtë mirësi në komunitet.
Pas iftarit, të pranishmit falën së
bashku namazin e akshamit dhe u lutën
për pranimin e kësaj dite plot begati.
 |
 |
 |
 |
 |
