Sofra bujare e Ramazanit
në xhaminë e fshatit Mes-Myselim
11 korrik 2015
Ditën e shtunë, më 11
korrik 2015, sektori i arsimit pranë
Myftinisë Shkodër, ka organizuar një
iftar me fëmijë të përzgjedhur nga kursi
i mësim-besimit në xhaminë e fshatit
Mes-Myselim.
I pranishëm në këtë iftar ishte edhe
Myftiu i Shkodrës, Imam Muhamed Sytari,
i cili, në fjalën e mbajtur para kohës
së iftarit, u lut që fëmijët e pranishëm
të rriten me besim dhe me vullnetin e
përparimit në dije, në edukatë, në
moral, në komunikim me tjetrin, si
muslimanë ndërtues.
Ndërkohë, teologu Arben Halluni, në
fjalën e tij tha se ky iftar është
simbol i frymës së familjes së madhe
islame, në sofrën e së cilës, të gjithë
janë të barabartë dhe pjestarë të
nderuar. Ai tha se ky iftar është edhe
shenjë e vlerësimit të Muajit Ramazan
dhe vetë xhamisë, ku është organizuar
kjo sofër bujare.
U falënderua edhe bashkëpunimi me
sponsorin e këtij iftari, shoqatën
bamirëse "Muslims for Humanity", në New
York të ShBA.
Një lutje me rastin e këtij iftari u bë
edhe nga imami i xhamisë, teologu Altin
Nikshiqi.
 |
 |
 |
 |
 |
