Myftinia Shkodër

Ditën e enjte, më 9 korrik 2015, Myftinia Shkodër shtroi një iftar, ku të ftuar ishin gazetarë të mediave të ndryshme lokale të Shkodrës dhe Malësisë së Madhe.

Në emër të Myftinisë Shkodër, fjalën përshëndetëse e mbajti teologu Arben Halluni, përgjegjës i arsimit dhe medias, i cili falënderoi të pranishmit për pranimin e ftesës dhe uroi mbarësi në punën e tyre plot përgjegjësi në përcjelljen e lajmit dhe cilësinë e tij.

z. Halluni falënderoi bashkëpunimin e deritanishëm me mediat lokale të Shkodrës, duke theksuar se media ka një rol të madh në informimin e drejtë dhe në kohë të njerëzve, sidomos me ato lajme që ngjallin optimizëm dhe rrezatojnë mirësi e qytetari.

Ai tha se ky iftar është njëkohësisht edhe një sofër mirënjohjeje dhe respekti në drejtim të krejt mediave lokale dhe atyre kombëtare, si simbole të fjalës së lirë e të përgjegjshme.

 

---