Sadekaja e fitrit, 200 lekë për person
09 korrik 2015
Ditën e enjte, më 9
korrik 2015, Myftiu i Shkodrës, Imam
Muhamed Sytari, diskutoi me imamët e
qytetit rreth përgatitjeve me rastin e
afrimit të Fitër Bajramit. Njëherazi,
dha udhëzimet e ardhura nga Komuniteti
Mysliman i Shqipërisë në lidhje me
sadekanë e fitrit, fidjen (kompensimin
monetar për ata persona që e kanë të
pamundur kategorikisht agjërimin),
zekatin dhe lajmërimet e haxhit.
Në udhëzimin zyrtar të KMSh, në lidhje
me këto pika, thuhet: "Këshilli i
teologëve pranë KMSH-së vendosi që për
vitin 2015 caktimi minimal (nisabi) i
dhënies së zekatit do të jetë si më
poshtë:
1. Duke ju referuar floririt (85 gram)
në caktimin e nisabit, personi i cili
gjatë një viti ka minimalisht dhe jashtë
nevojave jetike të depozituar për një
vit hënor 400.000 lekë, e ka obligim
dhënien e zekatit në masën 2.5% ose 1/40
të pasurisë së depozituar.
2. Për vitin 2015 sadakaja e fitrit do
të jetë 200 lekë për frymë, po aq do të
jetë edhe shuma e fidjes."
Në këtë takim u diskutua edhe për
aktivitetin e Natës së Kadrit dhe
përgatitjet për faljen e Fitër Bajramit.
 |
 |
 |
