Myftinia Shkodër

Ditën e mërkurë, më 8 korrik 2015, Myftinia Shkodër organizoi një iftar me përfaqësues të bashkësive islame të Prizrenit, Ulqinit dhe këshillin e Myftinisë Shkodër.

Në fjalën e rastit, Myftiu i Shkodrës, Imam Muhamed Sytari, vlerësoi shpirtin e bashkëpunimit në mesin e tri myftinive, si dhe u ndal në një prezantim të begative të Ramazanit të sivjetshëm në Shkodër.

Me këtë rast, Myftiu falënderoi imamët për angazhimin dhe shërbimet e tyre, që xhamitë të dëshmojnë këtë frymë të mrekullueshme besim, sidomos në netët e teravisë.

Në emër të Këshillit të Bashkësisë Islame të Prizrenit, përshëndeti imami Gëzim Danjolli, ndërsa imami Besim Cura, uroi në emër të Këshillit të Bashkësisë Islame të Ulqinit.

Të pranishëm në këtë iftar ishin edhe imamë të tri myftinive, drejtues të shoqatave islame në Shkodër dhe Tiranë, si dhe antarët e këshillit të Myftinisë Shkodër.

 

---