Fondacioni "Mirësia",
ndihma ushqimore për agjëruesit në nevojë
30 qershor 2015
Ditën e martë, më 30
qershor 2015, Fondacioni "Mirësia", në
bashkëpunim me Myftininë Shkodër,
mundësoi shpërndarjen e 100 pakove
ushqimore për agjërues të xhamisë së
lagjes Dudas dhe disa xhamive të tjera
të Shkodrës.
Kjo bamirësi vjen si një kujtim i mirë
nga donatori nga Kuvajti, i cili
mundësoi ndërtimin e xhamisë së re në
lagjen Dudas, inaugurimi i së cilës u
realizua në prag të Ramazanit të
sivjetshëm.
I pranishëm në këtë aktivitet bamirës
ishte edhe drejtoi i Fondacionit
"Mirësia", z. Korab Kaja, që shprehu
falënderimet e tij për donatorin e
nderuar, z. Hejthem Abdull-llah, sidomos
në këtë muaj ku shtohen bamirësitë dhe
solidarizimi në mesin e muslimanëve. Ai
falënderoi edhe bashkëpunimin me
Myftininë Shkodër dhe shprehu dëshirën e
vazhdimësisë në vepra të hajrit.
Ndërkohë, teologu Ervil Kuçi, duke
shprehur falënderimet e Myftinisë
Shkodër për donatorin dhe Fondacionin
"Mirësia", vlerësoi frymën e
bashkëpunimit të shoqatave dhe
fondacioneve të ndryshme islame me
Myftininë Shkodër, sidomos në këtë muaj
të begatë, me qëllim gjallërimin e
Ramazanit me aktivitete të larmishme në
dobi të komunitetit.
 |
 |
 |
 |
