Iftari në sofrën bujare të Shoqatës "Istanbul"
25 qershor 2015
Ditën e enjte, më 25
qershor 2015, stafi i Myftinisë Shkodër,
imamët dhe këshilltarët e saj ishin të
ftuar në sofrën e iftarit, organizuar
nga Shoqata "Istanbul", në ambientet e
Medresesë "Haxhi Sheh Shamia", dega
vajza.
Tashmë është bërë traditë shumë e bukur
në netët e Muajit Ramazan, që besimtarët
të mblidhen në sofra të ndryshme, ku
shpirti i vëllazërisë, bujarisë islame,
lutjeve dhe urimeve, është përherë i
pranishëm në harmoni me vetë shpirtin
bujar të këtij muaj vlerash.
Edhe sofra e kësaj nate ishte dëshmi e kësaj atmosfere, ku bisedat
vëllazërore, lutjet dhe interesimi për
njëri-tjetrin u bënë shoqërues të mirë
në sofrën e këtij iftari.
Pas përshëndetjeve tradicionale me
rastin e këtij iftari vëllazëror,
drejtuesit e Myftinisë, Shoqatës
"Istanbul" dhe Medresesë "Haxhi Sheh
Shamia", këmbyen përshtypjet e këtyre
ditëve të begata të agjërimit, me lutjet
që All-llahu ta ketë pranuar agjërimin,
adhurimet dhe veprat bamirëse, si dhe me
dëshirën e mirë të plotësimit të këtij
muaj me mbarësi e begati.
Në emër të Myftinisë Shkodër, Myftiu,
Imam Muhamed Sytari, falënderoi
kryetarin e Shoqatës "Istanbul", z.
Ridvan Seferaj, për ftesën dhe
mikpritjen, duke i uruar atij mbarësi
dhe një muaj plot përkushtim dhe mirësi.
 |
 |
 |
 |
 |
