Shpërndahet përkthimi i kuptimeve të Kur'anit
në gjuhën shqipe

Pasditen e së martës, më 16 qershor 2015, Myftinia Shkodër në bashkëpunim me Shoqatën Humanitare Kulturore Shqiptare në Vjenë (Austri) - "Xhamia Imam El-Buhari", organizoi shpërndarjen falas të përkthimit të kuptimeve të Kur'anit Famëlartë në gjuhën shqipe, në italisht dhe anglisht.

Aktiviteti u zhvillua në pedonalen para Bashkisë Shkodër, ku kalimtarë të shumtë u ndalën për të marrë një kopje të "Kur'anit", si dhe kalendarin e agjërimit të Ramazanit. Të shumtë ishin qytetarët që nuk i mbanin lotët, teksa merrnin në dorë përkthimin e kuptimeve të Kur'anit, sipas versionit të H. Sherif Ahmetit dhe atë të H. Hasan Nahit.

Aktiviteti u përshëndet edhe nga Myftiu i Shkodrës, Imam Muhamed Sytari. Ai theksoi se në atmosferën e bukur të prag Ramazanit të sivjetshëm, ky aktivitet ka një domethënie të madhe, pasi Kur'ani nisi të zbresë në Ramazan. Myftiu theksoi se Kur'ani duhet lexuar nga të gjithë, në mënyrë që të kuptohet drejtë, sidomos në këto kohë.

"Dua të përmend se sponsor i këtij botimi është një shoqatë islame shqiptare në Vjenë të Austrisë. Kjo do të thotë se tashmë drita e Islamit po vjen edhe nga perëndimi. Dhe, sikurse e kam thënë edhe në takime të tjera, ky shekull është shekulli i Islamit dhe drita e tij po mbulon gjithësinë, si një pelerinë e begatë, si një balsam shërues", - tha ndër të tjera Myftiu.

Myftinia Shkodër shpreh mirënjohjen dhe falënderimet e saj për Shoqatën "Xhamia Imam El-Buhari", në Vjenë dhe për të gjithë vullnetarët që iu bashkuan këtij aktiviteti të dobishëm komunitar.

 


Shpërndahet përkthimi i kuptimeve të Kur'anit në gjuhën shqipe
Shpërndahet përkthimi i kuptimeve të Kur'anit në gjuhën shqipe
Shpërndahet përkthimi i kuptimeve të Kur'anit në gjuhën shqipe
Shpërndahet përkthimi i kuptimeve të Kur'anit në gjuhën shqipe
Shpërndahet përkthimi i kuptimeve të Kur'anit në gjuhën shqipe
Shpërndahet përkthimi i kuptimeve të Kur'anit në gjuhën shqipe
Shpërndahet përkthimi i kuptimeve të Kur'anit në gjuhën shqipe
Shpërndahet përkthimi i kuptimeve të Kur'anit në gjuhën shqipe
Shpërndahet përkthimi i kuptimeve të Kur'anit në gjuhën shqipe