Myftinia Shkodër

Paraditën e sotme, më 30 tetor 2015, Myftinia Shkodër ka bërë publik programin e aktiviteteve të 25 vjetorit të rilejimit me ligj të fesë në vendin tonë, pas 23 vitesh persekutimi dhe dhune shtetërore ndaj islamit dhe muslimanëve, krejt besimtarëve dhe aktivitetit të tyre fetar.          

Përpara mediave të pranishme, teologu Arben Halluni ka bërë të ditur se shumë aktivitete do të zhvillohen në harkun kohor (30 tetor – 16 nëntor 2015), në përkujtim të mirësisë së madhe të lirisë së besimit në Shkodër e mbarë Shqipërinë.

            Më poshtë, programi me aktivitetet kryesore të tij:

 

KALENDARI I AKTIVITETEVE

ME RASTIN E 25-VJETORIT TË RIHAPJES SË XHAMISË SË PLUMBIT,

SHKODËR, 30 tetor - 16 nëntor 2015

 

30.10.2015 – Hytbeja e xhumasë në të gjitha xhamitë e Shkodrës i kushtohet sakrificës dhe vullnetit të pashembullt të rinisë dhe qytetarëve shkodranë, që në nëntor të vitit 1990, i paraprinë proceseve demokratizuese të vendit, me hapjen e objekteve fetare.

1.11.2015 – Ceremonia përkujtimore: “Mirënjohja e Qytetit”, Myftiut të Shkodrës, H. Xhemal Çanga.

(aktiviteti zhvillohet në bibliotekën e qytetit, pranë xhamisë Parrucë, ora: 17.00 – ftesë e hapur).

2.11.2015 – Aktiviteti përkujtimor: “Këshilla të një hytbeje, sa një amanet”, kushtuar Myftiut të Shkodrës, H. Faik Hoxha.

(aktiviteti zhvillohet në kinema “Millenium”, ora: 17:00 – ftesë e hapur).

3.11.2015 – Bashkëbisedim me Myftiun e Malësisë së Madhe, H. Edmir Smajlaj.

(aktiviteti zhvillohet tek salla e konferencave e konviktit të Medresesë “Haxhi Sheh Shamia”, dega djem, ora 17:00 – ftesë e hapur).

4.11.2015 – Inaugurimi i xhamisë së fshatit Mes-Myselim.

(ceremonia zhvillohet në orën 11.00).

5.11.2015 – Inaugurimi i përfundimit të restaurimit të xhamisë në kalanë e Drishtit. (ceremonia zhvillohet në orën 11.00).

6.11.2015 – “Nostalgji dhe mall për Hoxhën tonë, Hafiz Sabri Koçi”.

(aktiviteti zhvillohet në xhaminë e Rusit, në orën 12.00).

***   ***   ***

9.11.2015 – Vizitë tek shtëpia e imamit të nderuar, Hafiz Sulejman Kraja.

(ora: 16.30. Myftiu me Këshillin e Myftinisë Shkodër).

10.11.2015 – Inaugurimi i pllakatës tek ndërtesa e ish-Myftinisë Shkodër, pas vitit 1990.

(ora: 11.00. Shtëpia e familjes Baja, rruga e gjerë, pranë stadiumit).

11.11.2015 – Vizitë tek shtëpia e familjes Myftija, lagjja “Tabakë”, pranë xhamisë së Plumbit. (ora: 16.30. Myftiu me Këshillin e Myftinisë Shkodër).

12.11.2015 – Ekspozita e botimeve të hoxhallarëve, imamëve dhe thirrësve islamë shkodranë në 25 vitet e fundit dhe promovimi i librit “Zidní”, nga Imam Muhamed Sytari, Myfti i Zonës Shkodër.

(aktiviteti zhvillohet në bibliotekën e qytetit, pranë xhamisë Parrucë, ora: 17.00 – ftesë e hapur).

13.11.2015 – E xhumaja masive tek sheshi i xhamisë së Plumbit, në orën 12.00.

(të gjitha xhamitë e qytetit do të jenë të mbyllura).

(për ata që nuk kanë mundësi qarkullimi me mjete personale, autobuzët në dispozicion nisen në orën: 11.30, pranë xhamisë së Parrucës).

14.11.2015 – Konferenca: “25 vjet liri besimi – Sfida, sprova, perspektiva”.

Referojnë:

Dr. Genti Kruja, (drejtor i kulturës dhe dialogut ndërfetar, KMSh),

Msc. Anduena Qefalia (pedagoge, C.I.T),

Artur Tagani (Phd candidate, U.E.T),

Lavdrim Hamja (imam, Myftinia Shkodër)

(aktiviteti zhvillohet te salla e konferencave, te hotel “Colosseu”, ora: 11.00).

 

16 nëntor 2015:

Inaugurimi i pllakatës tek shtëpia e familjes Myftija, (lagjja “Tabakë”, ora: 11.00).

Falja e namazit të mesditës me xhemat dhe Duá për hoxhallarët dhe besimtarët e shkuar, ora: 11.30.

Shfaqja e dokumentarit kushtuar rihapjes së Xhamisë së Plumbit, më 16 nëntor 1990, në teatrin “Migjeni”, ora: 17.00.

Përshëndetjet protokollare.

Fjala përshëndetëse nga H. Skender Bruçaj, Kryetar i Komunitetit Mysliman të Shqipërisë.

Program artistik i Medresesë “Haxhi Sheh Shamia”, me ilahi dhe recitime.

 

---