Malësia e Madhe, tribunë fetare
në prag të Ramazanit

Paraditën e së martës, më 16 qershor 2015, Myftinia e Malësisë së Madhe organizoi një tribunë fetare me rastin e Muajit Ramazan, ku ligjërues ishte Imam Muhamed Sytari, Myfti i Zonës Shkodër.

Aktiviteti u hap me leximin e një pjese kur'anore nga imami Nadi Braqi.

Më pas, Myftiu i Malësisë së Madhe, H. Edmir Smajlaj, uroi të pranishmit për prezencën e tyre dhe theksoi se ky organizim i paraprin aktiviteteve të muajit Ramazan, të cilin ia uroi të gjithë besimtarëve. Myftiu theksoi se agjërimi i Ramazanit është një adhurimi i shumëpritur për besimtarët muslimanë dhe një shkollë e madhe besimi dhe disipline në jetë.

I ftuar për të ligjëruar në këtë aktivitet, Imam Muhamed Sytari, hodhi dritë mbi rëndësinë që ka agjërimi në rritjen e cilësisë së adhurimit në jetën e besimtarëve.

Ai përmendi disa nga dobitë shëndetësore të agjërimit, duke theksuar se ata që e praktikojnë agjërimin në vazhdimësinë, e ndjejnë më mirë se kushdo vlerën dhe madhështinë e agjërimit, si dhe ndikimin e tij pozitiv në shëndetin e tyre.

Më pas, Myftiu foli mbi rëndësinë që ka dëshmimi i frymës së agjërimit në shoqëri, duke u ndjerë shpirti i besimit kudo; në tregje, në dyqane, në rrugë, në veshje, në komunikim, në xhami, në familje etj.

"Dikur, na thonin se kur vinte Ramazani, edhe të krishterët ruheshin të mos hanin e të mos pinin në mënyrë demonstrative, në respekt të muslimanëve. Pra, kjo vërteton më së miri se shoqëria shqiptare ka ditur të respektojë besimin dhe ta vlerësojë atë. Sot, më shumë se kurrë kemi nevojë që këto mësime t'i përhapim në mesin tonë, që të respektohet Ramazani, të respektohen agjëruesit, të nderohet muaji i Kur'anit!", - tha ndër të tjera Myftiu.

Ai solli argumente të ndryshme nga Kur'ani, Tradita profetike, jeta e të parëve dhe shembuj nga ditët tona, që vërtetojnë madhështinë e agjërimit dhe vlerën e tij, si dhe kthimin e të parëve nga Kur'ani, sidomos në ditët dhe netët e këtij muaj vlerash dhe ripërtëritjeje.

 


Malësia e Madhe, tribunë fetare në prag të Ramazanit
Malësia e Madhe, tribunë fetare në prag të Ramazanit
Malësia e Madhe, tribunë fetare në prag të Ramazanit
Malësia e Madhe, tribunë fetare në prag të Ramazanit
Malësia e Madhe, tribunë fetare në prag të Ramazanit
Malësia e Madhe, tribunë fetare në prag të Ramazanit
Malësia e Madhe, tribunë fetare në prag të Ramazanit
Malësia e Madhe, tribunë fetare në prag të Ramazanit