Kryetari i KMSh, Skënder Bruçaj,
vizitë pune në Myftininë e Shkodrës

Ditën e enjte, më 11 qershor 2015, Kryetari i Komunitetit Mysliman të Shqipërisë, z. Skënder Bruçaj, zhvilloi një vizitë pune në Myftininë e Shkodrës.

Në këtë vizitë, Kryetari i KMSh, shoqërohej nga antarët e kryesisë së KMSh, z. Genti Kruja (drejtor i kulturës dhe dialogut ndërfetar) dhe z. Uran Kalej (drejtor i vakëf/investime).

Në shoqëri të Myftiut të Shkodrës, Imam Muhamed Sytari, Kryetari i KMSh zhvilloi një inspektim në disa prej vakëfeve të qytetit të Shkodrës, si dhe në lagjen Zogaj, ku u njoh nga afër me arritjet e deritanishme dhe problematikat e shfaqura në këto vakëfe.

Gjatë vizitës së xhamisë së re në lagjen Dudas, Kryetari Bruçaj shprehu vlerësimet e tij për ndërtimin e kësaj xhamie të bukur, që do të shërbejë shumë mirë për banorët e lagjes muslimane të Dudasit.

Ai theksoi se ky Ramazan, do të ketë një kuptim më të veçantë për këta banorë, që do të kenë mundësi të falen në xhaminë e tyre të re, që është ndërtuar falë bashkëpunimit të Myftinisë Shkodër me Fondacionin “Mirësia”.

Më pas, u zhvillua një vizitë edhe të xhamia e re e “Dy Vajzave”, ku u vlerësua kompleksi i bukur i kësaj xhamie, që përbëhet nga faltorja, klasat për mësimin e nxënësve, dyqanet, abdes'hania, mafili i grave, ballkonet dhe korridoret e bollshme, që të krijojnë frymëmarrje dhe të dhurojnë qetësi.

Kryetari dëgjoi me vëmendje shpjegimet e imamit të kësaj xhamie, teologut Lavdrim Hamja, që theksoi se fryma e bukur e bashkëpunimit dhe harmonisë që po krijohet në këtë xhami, ka një vlerë të madhe që i shtohet mozaikut të harmonisë islame në Shkodër.

Një inspektimi i veçantë ishte ai i zhvilluar në lagjen Zogaj, ku pas namazit të iqindisë, Kryetari i KMSh u njoh me hollësi dhe detaje të peripecive të shumta që ka kaluar Myftinia Shkodër deri në posedimin e disa prej tapive legjitime të saj në këtë vakëf të madh.

U bë evident edhe pretendimi i Myftinisë Shkodër për një pjesë të zaptuar të vakëfit në këtë lagje, si dhe u diskutuan ide dhe mendime, në funksion të shfrytëzimit sa më efikas të këtij vakëfi të shenjtë.

 


Kryetari i KMSh, Skënder Bruçaj, vizitë pune në Myftininë e Shkodrës
Kryetari i KMSh, Skënder Bruçaj, vizitë pune në Myftininë e Shkodrës
Kryetari i KMSh, Skënder Bruçaj, vizitë pune në Myftininë e Shkodrës
Kryetari i KMSh, Skënder Bruçaj, vizitë pune në Myftininë e Shkodrës