Myftinia Shkodër

Paraditën e së hënës, më 1 qershor 2015, Myftiu i Shkodrës, Imam Muhamed Sytari, i shoqëruar edhe nga menaxheri i pronave të Myftinisë Shkodër, z. Blendi Alushi, ka zhvilluar një inspektim në terren, për të parë nga afër punimet që po vazhdojnë për ndërtimin e xhamisë së re në fshatin Mjedë, Bashkia Vau Dejës.
           
Myftiu ka parë nga afër ecurinë e punimeve të kësaj xhamie të re, ceremonia e themeleve të cilës u zhvillua, më 16 prill 2015, në prani të besimtarëve të kësaj zone dhe përfaqësuesve të donatorit nga Kuvajti.
           
Punimet për xhaminë e re në Mjedë po ecin me ritme të pëlqyeshme dhe pritet që shumë shpejt të nisë puna edhe për ndërtimin e minares së kësaj xhamie të re të shumëpritur për besimtarët muslimanë të Mjedës, që kishin të nevojshme një xhami të re, me kushte komode dhe bashkëkohore.
           
Myftiu ka falënderuar nga afër grupin e punës për ndërtimin e kësaj xhamie, duke shprehur kënaqësinë e tij për arritjen e punimeve të deritanishme. Njëkohësisht është lutur që këto punime të vazhdojnë me sukses dhe mbarësi, në mënyrë që dita e inaugurimit të jetë një feste e gëzueshme për të gjithë.           

Xhamia e re e fshatit Mjedë është pjesë e bashkëpunimit të frutshëm të Myftinisë Shkodër me Fondacionin “Mirësia”.

 

---