Myftinia Shkodër, “Çertifikatë Mirënjohjeje”
për Fondacionin “Mirësia”

Mbrëmjen e së hënës, më 6 prill 2015, Myftiu i Shkodrës, mori pjesë në aktivitetin kulturor që organizoi Fondacioni “Mirësia” në teatrin “Migjeni”, me mbështetjen e Myftinisë Shkodër, në promovim të vlerave të përkujdesjes ndaj jetimëve.
 
Me këtë rast, gjatë fjalës së tij përshëndetëse Imam Muhamed Sytari i dorëzoi Kryetarit të Fondacionit “Mirësia”, z. Korab Kaja një “Çertifikatë Mirënjohjeje”, për kontributet bamirëse të fondacionit që ai drejton, edhe në Qarkun e Shkodrës.
 
Në dedikimin e kësaj çertifikate, shënohet: “Në vlerësim të kontributit të madh e të shquar për rigjallërimin e vlerave islame në zonën e Shkodrës, me ndërtimin e xhamive të reja, me ndihmën e pakufijshme dhe përkrahjen e vazhdueshme ndaj jetimëve dhe njerëzve në nevojë, studentëve dhe kërkuesve të dijes, si dhe shumë projekteve bamirëse në ndihmë të pastrehëve, të përmbyturve e skamnorëve, Myftinia Shkodër i akordon këtë çertifikatë mirënjohjeje: Fondacionit “Mirësia”, me lutjet më të mira për suksese të vazhdueshme dhe mbarësi në rrugën e bamirësive”.
 
Aktiviteti në fjalë mblodhi një numër të konsiderueshëm të jetimëvë të zonës, për të cilët Fondacioni “Mirësia” jep ndihmën dhe përkrahjen e vet, në mënyrë sistematike, si dhe kontributin e vyer për arsimimin dhe përkujdesjen e duhur ndaj kësaj shtrese sociale.
 
Falë bashkëpunimit të frytshëm që Myftinia Shkodër ka me Fondacionin “Mirësia” është mundësuar që në katër vitet e fundit të ndërtohen xhamitë e reja në: Kuç, Domën e Dërgut, sikurse po vijojnë punimet për disa xhami të reja në Qarkun e Shkodrës.

 


Myftinia Shkodër, “Çertifikatë Mirënjohjeje” për Fondacionin “Mirësia”
Myftinia Shkodër, “Çertifikatë Mirënjohjeje” për Fondacionin “Mirësia”
Myftinia Shkodër, “Çertifikatë Mirënjohjeje” për Fondacionin “Mirësia”
Myftinia Shkodër, “Çertifikatë Mirënjohjeje” për Fondacionin “Mirësia”
Myftinia Shkodër, “Çertifikatë Mirënjohjeje” për Fondacionin “Mirësia”
Myftinia Shkodër, “Çertifikatë Mirënjohjeje” për Fondacionin “Mirësia”
Myftinia Shkodër, “Çertifikatë Mirënjohjeje” për Fondacionin “Mirësia”
Myftinia Shkodër, “Çertifikatë Mirënjohjeje” për Fondacionin “Mirësia”