Myftinia Shkodër

Me rastin e përkujtimit të datave të shënuara të 54 vjetorit të Ditës Kombëtare dhe 24 vjetorit të Ditës së Çlirimit të Kuvajtit, mbrëmjen e së mërkurës, më 25 shkurt 2015, ambasada e Kuvajtit në Shqipëri ka organizuar një pritje të posaçme.
           
Me këtë rast, Myftiu i Shkodrës, Imam Muhamed Sytari, ka uruar ambasadorin e Kuvajtit në Shqipëri, z. Najeeb Al-Bader, duke uruar njëkohësisht që marrëdhëniet vëllazërore në mes Shqipërisë dhe Kuvajtit të forcohen përherë e më shumë, në rrugën e forcimit të shpirtit të vëllazërisë së dobishme.
           
Myftiu ka falënderuar kontributin e madh që ka dhënë dhe vazhdon të japë Shteti i Kuvajtit, edhe në përkrahje të gjallërimit të vlerave dhe trashëgimisë islame në vendin tonë, nëpërmjet përkrahjes së projekteve të ndryshme në këtë drejtim.

Duhet theksuar se në historikun e themelimit si shtet i pavarur, Kuvajti celebron dy data të rëndësishme, atë të shkëputjes nga Britania e Madhe në 1961, si dhe çlirimin nga Iraku.
Në fjalën e tij para të pranishëmve të shumtë, ambasadori i Kuvajtit në Tiranë, z. Najeeb Al-Bader, u ndal edhe tek vlerësimi i këtyre dy datave për shtetin e Kuvajtit dhe popullin kavajtian.

Njëkohësisht ai theksoi se: “Për shtetin e Kuvajtit, kjo është një ditë shumë e rëndësishme. 2015 ka qenë një vit konstruktiv për ambasadën e Kuvajtit, në të cilin kemi investuar disa projekte zhvillimore me një vlerë totale prej 10 milionë euro. Këto projekte tregojnë bashkëpunimin mes dy vendeve. Gjatë kësaj periudhe ne kemi shkëmbyer vizita të nivelit të lartë për të forcuar bashkëpunimin bilateral”.

 

---