Myftiu, bashkëbisedim me një grup studentësh
18 janar 2015
Ditën e dielë, më 18
janar 2015, Myftiu i Shkodrës, Imam
Muhamed Sytari, zhvilloi një
bashkëbisedim të përzemërt me një grup
studentësh të degëve dhe universiteteve
të ndryshme shqiptare dhe jashtë vendit.
Objekt i këtij bashkëbisedimi ishte
aktualiteti, realiteti i Thirrjes Islame
në Shkodër, Shqipëri dhe mbarë botën,
sfidat, pengesat dhe optimizmi për një
të ardhme të dritshme dhe ngazëllyese
për përhapjen e vlerave islame në mbarë
botën.
Në bisedën e tij të ngrohtë me
studentët, Myftiu theksoi se realitetet
me të cilat përballet Thirrja Islame sot
në botë, nuk janë asgjë tjetër vetëm se
një tërheqje vëmendje hyjnore për të
gjithë njerëzimin deh muslimanët në
veçanti, për t’u zgjuar nga hutimi
shekullor dhe rikthimi me tërë forcat e
tyre në kërkimin e dijes së dobishme dhe
praktikimin e Islamit në jetën e
përditshme.
Myftiu kërkoi nga studentët, që mos të
harxhojnë kohën e vyer me gjëra të
padobishme dhe debate të pavlera, por të
angazhohen maksimalisht për t’u thelluar
ne dije dhe për të perfeksionuar
profesionet në jetë.
Në përgjigje të pyetjeve të ndryshme të
studentëve, Myftiu dha sqarime të shumta
edhe rreth paqartësive dhe shpifjeve në
adresë të personalitetit të Hz.
Muhammedit (a.s) dhe ngjarjeve të
ndryshme, që spikatën në jetën e tij.
Njëkohësisht theksoi, se sikur Islami të
mos kishte mbrojtje hyjnore nga Zoti i
gjithësisë, nuk vazhdonim të lexonim të
njëjtin Libër të shenjtë; Kur’anin, që
lexohej edhe para 15 shekujsh, pas asnjë
deformim a mangësi.
Gjatë këtij bashkëbisedimi të ngrohtë,
Myftiu i dhuroi studentëve edhe botimin
e tij më të fundit, me rastin e
përkujtimit të sivjetshëm të Lindjes së
Begatë të Profetit (a.s), me titull:
“Çfarë përfitoi bota me ardhjen e Hz.
Muhammedit (a.s)”.
 |
 |
 |
 |
 |
