“Mexhlisi i Hadithit”, në përkujtim të misionit të Hz. Muhammedit (a.s)
03 janar 2015
Pasditën e së
shtunës, më 3 janar 2015, në ditën e
përkujtimit të Lindjes së Begatë të
Hazreti Muhammedit (a.s), Myftinia
Shkodër ka organizuar një aktivitet
fetar, me temë: “Mexhlisi i Hadithit”.
Pas faljes së namazit të iqindisë,
imamët e nderuar dhe xhemati
pjesëmarrës, janë rreshtuar, në një
tubim diturie, ku janë lexuar rreth
pesëdhjetë hadithe të Profetit Muhammed
(a.s), me komente dhe shpjegime të
goditura, në funksion të kuptimit dhe
mësimit të tyre nga të pranishmit.
Gjatë këtij aktiviteti, imamët e
nderuar: Durim Kasemi, Naim Drijaj,
Hysen Muça, Ademir Xama, Ervil Kuçi,
Lavdrim Hamja, Fejzi Zaganjori, Mithat
Myftija, Arben Halluni, si dhe Myftiu i
Shkodrës, Imam Muhamed Sytari, kanë
lexuar dhe komentuar hadithe të
ndryshme, nga përmbledhja e Imam
Sujutit: “El-Xhamius-sagir”.
Aktiviteti është ndërthurrur edhe me
këndimin e disa ilahive të bukura nga H.
Sami Muçej, i cili, përtej moshës së
thyer, ka qenë i pranishëm në këtë
pasdite të begatë, me zërin dhe
emocionet e tij.
I pranishëm në këtë aktivitet ka qenë
edhe Kryetari i Këshillit të Qarkut
Shkodër, z, Maxhid Cungu dhe Drejtori i
Zyrës së Kulturës në KMSh, z, Genti
Kruja.
Në fund të këtij tubimi, për të
pranishmit është shpërndarë broshura me
titull: “Çfarë përfitoi bota me ardhjen
e Hz. Muhammedit (a.s)”, përgatitur nga
Imam Muhamed Sytari, me rastin e
Mevludit të sivjetëshëm.
 |
 |
 |
 |
 |
 |
