Deformimi i Islamit dhe i simboleve të tij
07 dhjetor 2014
Ekziston një deformim
i madh i simboleve islame. Dhe, ekziston
një shfytyrim dhe baltosje e Islamit,
ndonjëherë prej injorancës dhe
nganjëherë me qëllim.
Oportunistët prej të gjitha ngjyrave, me
plaçkat e tyre false, i mashtrojnë
njerëzit çdo ditë.
Ata e kanë shndërruar Islamin në plumb
mashtrues. Kanë përdorur hadithet dhe
ajetet për t'iu përshtatur epsheve të
tyre. Por, Islami është mëshirë,
tolerancë dhe moral fisnik. Islami është
vetëdije universale, përqafim i ligjeve
dhe praktikave hyjnore dhe njeri i bukur
në pajtueshmëri me kaderin.
Ai është fe e diturisë, mendjes, besimit
dhe paqes.
Ai është shumë larg prej këtyre
morsetave armiqësore, të cilat i shohim
rreth nesh dhe që nuk reflektojnë, veçse
urrejtjen e të zotëve të tyre.
Rruga islame për ndryshimin shoqëror
është e qartë dhe e kthjellët. Allahu ka
thënë në Kur'anin famëlartë: "Nuk e
ndryshon gjendjen e një populli, derisa
ata ta ndryshojnë veten e tyre". Pra,
Allahu e ka mbështetur ndryshim tek
Vetja e Tij dhe ka bërë rolin tonë në
këtë ndryshim, që secili prej nesh ta
ndryshojë veten e vet. Rregullimi i
çdonjërit prej nesh i vetes së tij është
fillimi dhe hapi i parë i rrugës.
Zbato së pari sheriatin në mbretërinë e
qënies tënde, përpara se ta ngresh
shkopin mbi të tjerët.
_________________
Dr. Mustafa Mahmud,
nga libri "Lexim i së ardhmes"
Përktheu nga arabishtja:
Lavdrim Hamja
 |
