Myftinia Shkodër

Ditën e shtunë, më 04 tetor 2014, me rastin e Kurban Bajramit, Myftinia Shkodër ka organizuar pritje tradicionale për besimtarët dhe personalitetet e ndryshme të qytetit.

Në pritje të personaliteteve të ndryshme fetare dhe civile, si dhe të besimtarëve dhe qytetarëve ishin të pranishëm imamë dhe anëtarë të këshillit të Myftinisë Shkodër.

Duke ditur se Myftiu i Shkodrës, Imam Muhamed Sytari, këtë vit ndodhet në vendet e shenjta, udhëheqës i haxhilerëve të shkodranë, për të kryer obligimin e Haxhit, këtë pritje e udhëhiqte teologu Arben Halluni.

Me rastin e kësaj feste të bekuar, kanë ardhur për vizita përfaqësues të Arqipeshkvisë Shkodër, personalitetet më të larta të kishës Ortodokse Shkodër, përfaqësuesit më të lartë të Bashkisë, Kryetari i Qarkut, Prefekti, deputetë, drejtues të partive politike në Shkodër, përfaqësues të shoqatave të ndryshme, intelektualë, studiues dhe besimtarë të shumtë.

 

---