Harmonia e Bajramit
zbukuron xhamitë me besimtarë

Që herët në mëngjes, xhamitë e Shkodrës janë zbukuruar me tekbiret e qindra e mijëra besimtarëve, të cilët sot kanë tejmbushur xhamitë me praninë e tyre, duke iu përgjigjur thirrjes së Zotit të tyre, për të kryer faljen e namazit të sahabit dhe atë të Kurban Bajramit.

Kjo ditë e bekuar, e cila e ka zanafillën që nga koha e babait të profetëve, Ibrahimit (a.s), vjen si përkujtim i bukur i kësaj sakrifice, që robi bën për Krijuesin e tij, Zotin e gjithë botëve.

Njëkohësisht, festa e Kurban Bajramit është edhe solidaritet dhe gëzim që i bashkohet mijëra e miliona haxhilerëve anekënd botës, të cilët kanë shkuar për të kryer një nga shtyllat kryesore të Islamit, obligimin e Haxhit. Pa dallim ngjyre dhe race, kombësie dhe gjinie, me bindjen dhe besimin e tyre i janë përgjigjur thirrjes së Zotit (xh.sh) duke thënë: Lebbejke Allahumme Lebbejke (Tu përgjigja Ty o Zoti im, tu përgjigja).

Për shkak të luhatjeve të motit, këtë vit, Kurban Bajrami në Shkodër u fal në të gjitha xhamitë e saj, jo në shesh, siç është bërë traditë që nga Kurban Bajrami i vitit 2010.

Ceremonitë zyrtare u zhvilluan në dy xhamitë qendrore të Shkodrës. Fillimisht, në xhaminë “Ebu Bekër”, ku drejtonin ceremoninë e kësaj feste, imami i xhamisë, teologu Idmir Plaku dhe teologu Arben Halluni. Ata kanë folur për rëndësinë dhe simboliken e kësaj feste dhe sakrificë dhe i kanë bërë thirrje besimtarëve që kjo ditë e bekuar të shërbejë për paqe, harmoni dhe solidarizim për të gjithë njerëzit në nevojë.

Ndërsa në xhaminë e Parrucën, këtë ceremoni e udhëhiqnin imami i xhamisë, Naim Drijaj dhe teologu Lavdrim Hamja. Imami Drijaj ka folur për rëndësinë e kurbanin në jetën e myslimanëve dhe ka dhënë disa porosi dhe këshilla rreth mënyrës së therjes dhe shpërndarjes së kurbanit. Teologu Lavdrim Hamja ka folur për mesazhet e Islamit, të cilat përmbajnë mesazhet e paqes, tolerancës dhe harmonisë njerëzore. Gjithashtu, teologu Hamja ka tërhequr vëmendjen e besimtarëve duke bërë të ditur se etiketimet e ndryshme të mediave për Islamin dhe myslimanët dhe se ata janë ekstremistë e nxisin dhunë, ai ka thënë se të gjitha këto etiketime janë shpifje dhe denigrimi i figurës së myslimanit dhe fesë Islame. Sepse, argumentet fetare, nga Kur'ani dhe tradita e Profetit (a.s) tregojnë të kundërtën e asaj që jepet në media rreth kësaj feje paqedashëse dhe dhuruese e paqes dhe harmonisë në botë.

Gjithashtu Imamët kanë falënderuar besimtarët për kontributet e tyre, për ndihmën ndaj nevojtarëve dhe të varfërve dhe angazhimin për të përmirësuar ditë pas dite shfaqjen e tyre në shoqëri, si themel i saj.

Me përqafime dhe tekbire, besimtarët janë uruar në mes vete duke marrë kënaqësinë e kësaj dite të begatë.

 


Festa e Kurban Bajramit tejmbush xhamitë e Shkodrës me besimtarë
Festa e Kurban Bajramit tejmbush xhamitë e Shkodrës me besimtarë
Festa e Kurban Bajramit tejmbush xhamitë e Shkodrës me besimtarë
Festa e Kurban Bajramit tejmbush xhamitë e Shkodrës me besimtarë
Festa e Kurban Bajramit tejmbush xhamitë e Shkodrës me besimtarë
Festa e Kurban Bajramit tejmbush xhamitë e Shkodrës me besimtarë
Festa e Kurban Bajramit tejmbush xhamitë e Shkodrës me besimtarë
Festa e Kurban Bajramit tejmbush xhamitë e Shkodrës me besimtarë
Festa e Kurban Bajramit tejmbush xhamitë e Shkodrës me besimtarë
Festa e Kurban Bajramit tejmbush xhamitë e Shkodrës me besimtarë
Festa e Kurban Bajramit tejmbush xhamitë e Shkodrës me besimtarë