Myftinia Shkodër

Ditën e hënë, më 4 tetor 2014, Myftiu i Shkodrës, Imam Muhamed Sytari, priti në një takim të përzemërt Këshilltarin për Çështjet Fetare në Ambasadën e Turqisë, z. Shaban Ishlek.
 
Qëllimi i këtij takimi ishte koordinimi me rastin e inaugurimit të xhamisë së re në fshatin Barbullush, që tashmë ka përfunduar dhe pritet të inaugurohet zyrtarisht.
 
Me rastin e kësaj vizite, Myftiu ka falënderuar përfaqësuesin e Dijanetit të Turqisë, për mbështetjen e madhe në drejtim të ndërtimit të kësaj xhamie të re në Shkodër, si dhe për bashkëpunimet e ndryshme të përbashkëta, në shërbim të vlerave të Thirrjes Islame.
 
Xhamia e fshatit Barbullush, u bë e mundur të ndërtohet, mbi bazën e marrëveshjes së binjakëzimit në mes të Myftinisë Shkodër me Myftininë e Iskenderunit në Turqi. Falë Zotit, xhamia e re ka një sipërfaqe të madhe dhe ka ambientet e duhura për kryerjen e ritualeve fetare, kurseve të ndryshme për fëmijët etj.
 
Pas vizitës në zyrën e Myftiut, është bërë edhe një inspektim në terren, ku është parë gjendja e sotme e xhamisë, tashmë të përfunduar, por që pret edhe disa sistemime të duhura në territorin e jashtëm, në mënyrë që në ditën e inaugurimit të jetë e gatshme për të mirëpritur vizitorët dhe besimtarët e shumtë, që presin prej dekadash ta kenë një xhami të tillë bashkëkohore.
 
Me mbarësinë e All-llahut, xhamia e re e fshatit Barbullush, do të inaugurohet ditën e xhuma, më 22 gusht 2014, ora: 11.00.