Myftinia Shkodër

Ditën e martë, më 24 qershor 2014, Myftiu i Shkodrës, Imam Muhamed Sytari, ka zhvilluar një takim udhëzues, me imamët e Shkodrës, në prag të Ramazanit 1435/2014, që nis ditën e shtunë, më 28 qershor 2014

Fillimisht, Myftiu ka uruar imamët me rastin e Muajit të begatë, duke theksuar se Ramazani, nuk është thjeshtë një muaj i zakontë, por një stinë e Thirrjes Islame, për të cilën, - e kemi për detyrë të punojmë me krejt forcat dhe mundësitë që kemi!

Më pas, Myftiu ka dhënë udhëzimet e tij në lidhje me mbarëvajtjen e anës teknike që lidhet me xhaminë dhe jetën e saj gjatë këtij muaj, si: respektimi maksimal i orareve të imsakut dhe akshamit, falja e 20 rekateve të lehta të teravisë, në respekt edhe të orarit të vonë veror, përhapja e hartës së xhamive, ku do të këndohet Hatmeja e plotë e Kur'anit, si: Parrucë, Perash, Tophanë, Rus, "Ebu Bekër", Medrese etj.

Myftiu ka ftuar imamët që të angazhohen me sa kanë mundësi, që besimtarët të kalojnë një Ramazan sa më të begatë, në paqe me Zotin, veten, tjetrin.