Aktivitet përkujtimor në nderim
të personalitetit të Hafiz Sabri Koçit

Paraditën e sotme, në xhaminë e Rusit u zhvillua një aktivitet përkujtimor në nderim të personalitetit të Hafiz Sabri Koçit, Kryetarit të parë të Komunitetit Mysliman të Shqipërisë, pas viteve 1990.

Në fjalën e tij, Myftiu i Shkodrës, vlerësoi simbolikën që përfaqëson personaliteti i H. Sabri Koçit, si trashëgimtar i një plejade të nderuar të Hoxhallarëve të shkuar të Shkodrës, prej të cilëve mësoi dhe u edukua, si dhe modelin e qëndresës së besimit para mosbesimit dhe terrorit afetar, që pllakoi Shqipërinë për dekada! 

Myftiu kërkoi që rruga kryesore e Rusit musliman të ketë emrin e Hafiz Sabri Koçit, në kujtim dhe respekt të tij. Në këtë kontekst, Myftiu theksoi se e ka dorëzuar kërkesën e tij në Këshillin e Bashkisë Shkodër, madje e ka prsëritur disa herë, por paradoksalisht nuk ka marrë akoma përgjigje.

Njëkohësisht bëri thirrje që organet vendore të bëjnë punën e tyre për lirimin e truallit të kësaj xhamie, të zaptuar nga tetë familje të pastreha, në mënyrë që të mundësohet ndërtimi i xhamisë së Rusit, për të cilën propozoi që të ketë emrin "Xhamia Hafiz Sabri Koçi". 

Imami i xhamisë, H. Fejzi Zaganjori, mbajti një referat të zgjeruar mbi jetën dhe veprimtarinë e Hafiz Sabri Koçit, duke vlerësuar rolin e tij në rimëkëmbjen e Thirrjes Islame pas viteve '90, si dhe kontributet e tij në afrimin e Shqipërisë me botën islame. Imami i nderuar, përmendi edhe disa nga bashkëpunëtorët më të afërt të Hafiz Sabri Koçit, me të cilët nisi punën për të ngritur nga hiçi, komunitetin më të madh fetar në vend.

Aktiviteti u pasua nga përshëndetja e familjarëve, këndimi i një ilahie të bukur nga mbesa e Hafizit rahmetli, vajza e talentuar Selma Bekteshi, si dhe dua-hatmeja pë shpirt të Hafiz Sabri Koçit.

 

Aktivitet përkujtimor në nderim të personalitetit të Hafiz Sabri Koçit
Aktivitet përkujtimor në nderim të personalitetit të Hafiz Sabri Koçit
Aktivitet përkujtimor në nderim të personalitetit të Hafiz Sabri Koçit
Aktivitet përkujtimor në nderim të personalitetit të Hafiz Sabri Koçit
Aktivitet përkujtimor në nderim të personalitetit të Hafiz Sabri Koçit
Aktivitet përkujtimor në nderim të personalitetit të Hafiz Sabri Koçit
Aktivitet përkujtimor në nderim të personalitetit të Hafiz Sabri Koçit
Aktivitet përkujtimor në nderim të personalitetit të Hafiz Sabri Koçit
Aktivitet përkujtimor në nderim të personalitetit të Hafiz Sabri Koçit