“All-llahu ekber” dhe salavatet
zbukuruan kalanë e Shkodrës…

Ditën e shtunë, më 14 qershor 2014, sektori i arsimit në Myftininë Shkodër, kishte planifikuar zhvillimin e aktivitetit: “Një dite argëtuese në krahët e xhamisë së Sulltan Mehmet Fatihut”, me fëmijët e kurseve fetare të xhamive të Myftinisë Shkodër.
 
Që herët, imamët e xhamive dhe fëmijët e kurseve përkatëse, u tubuan para xhamisë së Parrucës dhe nën drejtimin e teologut Arben Halluni, u drejtuan nga kalaja e Shkodrës, për të kaluar ca orë të këndshme, në shoqëri të lojrave të ndryshme, konkurseve, bisedave fetare dhe namazeve nafile, në hapësirat e rrënojave të xhamisë së Sulltan Mehmet Fatihut.
 
Për të përshëndetur fëmijët dhe imamët e pranishëm, mbërriti edhe Myftiu i Shkodrës, Imam Muhamed Sytari, i cili shprehu gëzimin e tij për këtë organizim të goditur të sektorit të arsimit, në shërbim të gjallërimit të jetës fetare të fëmijëve frekuentues të xhamive të shumta të Shkodrës.
 
Në fjalën e tij para të pranishëmve, Myftiu ka kërkuar nga fëmijët që mos ta harrojnë këtë ditë të mbushur me mirësi vëllazërie islame, nën përkujdesjen e imamëve të dashur.
 
“Dua nga ju që të vështroni me vëmendje objektin pas shpinës tuaj. Është xhamia e Sulltan Mehmet Fatihut. Xhamia e jonë, xhamia e juaj! Mos e harroni këtë pamje, thujuani edhe shokëve tuaj se ishim në kala, në oborrin e xhamisë së Sulltan Mehmet Fatihut. Dhe lutuni që në një ditë të afërt, të faleni e të luteni në këtë xhami, tamam si paraardhësit tuaj, muslimanët e hershëm të Shkodrës!”- ka thënë Myftiu.
 
Më pas, Myftiu ka kërkuar nga të pranishmit që ta madhërojnë All-llahun me tekbire, të cilat janë përsëritur disa herë, duke krijuar emocione dhe kënaqësi në mesin e pjesëmarrësve në këtë aktivitet të bukur. Tubimi dhe aktiviteti është mbyllur, teksa nën drejtimin e Myftiut, të gjithë këndonin salavate mbi të Dërguarin e All-llahut, Hz. Muhammedin (a.s).

 

“All-llahu ekber” dhe salavatet, zbukuruan kalanë e Shkodrës…
“All-llahu ekber” dhe salavatet, zbukuruan kalanë e Shkodrës…
“All-llahu ekber” dhe salavatet, zbukuruan kalanë e Shkodrës…
“All-llahu ekber” dhe salavatet, zbukuruan kalanë e Shkodrës…
“All-llahu ekber” dhe salavatet, zbukuruan kalanë e Shkodrës…
“All-llahu ekber” dhe salavatet, zbukuruan kalanë e Shkodrës…
“All-llahu ekber” dhe salavatet, zbukuruan kalanë e Shkodrës…