Myftinia Shkodër

Në datat 21,22,23 – 28,29,30 prill 2014, Myftinia Shkodër organizoi ciklin e parë të ligjëratave fetare pas namazit të akshamit, në xhami të ndryshme të qytetit dhe të fshatit, ku ligjëruan Myftiu dhe imamë të ndryshëm teologë.
 
Sipas një programi të paralajmëruar, cikli i parë i ligjëratave pas akshamit përfshiu xhamitë e mëposhtme, sipas këtij programi:
 
21 prill 2014: Xhamia Perash, ligjëruan: teologu Lavdrim Hamja dhe teologu Gilman Kazazi.
 
22 prill 2014: Xhamia e Medresesë, ligjëruan teologu Arben Halluni dhe Imam Muhamed Sytari.
 
23 prill 2014: Xhamia e Bardhejve, ligjëruan teologu Adem Pizga dhe teologu Ervil Kuçi.
 
28 prill 2014: Xhamia Rus, ligjëruan teologu Idmir Plaku dhe teologu Lavdrim Hamja, që zëvendësoi teologun Durim Kasemi.
 
29 prill 2014: Xhamia Tophanë, ligjëruan teologu Ruzhdi Plangaj dhe Imam Muhamed Sytari.
 
30 prill 2014: Xhamia Golem, ligjëruan teologu Lavdrim Hamja dhe teologu Naim Drijaj.
 
Gjatë këtyre ligjëratave, u trajtuan tema të larmishme, si: “Mirësjellja në mesin e muslimanëve”, “Vlera e kohës tek dijetarët muslimanë”, “Vëllazëria dhe solidarizimi në jetën e muslimanëve”, “Namazi dhe duaja në jetën e besimtarit”, “Mirënjohja dhe falënderimi në jetën e muslimanëve”, “Përkushtimi i sahabëve në fe”, nëpërmjet të cilave u synua gjallërimi i jetës fetare në xhamitë e ndryshme të Shkodrës dhe përfitimi nga trajtesat e specializuara të imamëve teologë.
 
Me mbarësinë e All-llahut, cikli i ligjëratave pas namazit të akshamit do të vazhdojë edhe më tej në xhami të tjera, sipas një programi që do të bëhet publik nga Myftinia Shkodër.