Myftiu priti Këshilltarin për Çështje Fetare
të Ambasadës së Turqisë

Paraditën e së mërkurës, më 16 prill 2014, Myftiu i Shkodrës, Imam Muhamed Sytari, priti në një takim të përzemërt Këshilltarin për Çështjet Fetare në Ambasadën e Turqisë në Tiranë, z. Shaban Ishlek.
 
Objekt i këtij takimi ka qenë edhe bashkëpunimi i Dijanetit të Turqisë me Komunitetin Mysliman të Shqipërisë, Myftininë Shkodër.
 
Në këtë kuadër, është rënë dakord që në Shkodër, më 27 prill 2014, do të zhvillohet një simpozium me temë: “Hz. Muhammedi (a.s) dhe sinqeriteti në Islam”. Referues në këtë simpozium do të jetë edhe Myftiu i Ankarasë, si dhe imami i një prej xhamive kryesore të kryeqytetit të Turqisë.
 
Gjatë këtij takimi, është folur edhe për prag-përfundimin e xhamisë së fshatit Barbullush, si sponsorizim i Myftinisë së Iskenderunit (Turqi), ku z. Ishlek ka një kontribut të vyer dhe shumë me vlerë në arritjen e marrëveshjes për financimin e kësaj xhamie të re dhe mëse të domosdoshme për Myftininë Shkodër.
 
Myftiu i Shkodrës e ka falënderuar z. Shaban Ishlek për kontributet e deritanishme dhe bashkëpunimin e frytshëm me Myftininë Shkodër, duke e konsideruar si një mik të mirë dhe vëlla të sinqertë.

 

Myftiu priti Këshilltarin për Çështje Fetare të Ambasadës së Turqisë
Myftiu priti Këshilltarin për Çështje Fetare të Ambasadës së Turqisë
Myftiu priti Këshilltarin për Çështje Fetare të Ambasadës së Turqisë