Myftinia Shkodër

Ditën e enjte, më 20 shkurt 2014, Myftiu i Shkodrës, Imam Muhamed Sytari, priti një një takim të përzemërt pune, Drejtorin e Shoqatës “Burimi”, z. Sokol Mandi.
 
Gjatë këtij takimi, Myftiu ka falënderuar kontributet e Shoqatës “Burimi”, në kuadër të gjallërimit të jetës fetare në Shkodër, nëpërmjet aktiviteteve të ndryshme bamirëse, intelektuale, fetare, arsimore e botuese.
 
Myftiu ka vlerësuar se në rrugën e bashkëpunimit dypalësh, është bërë e mundur të realizohen disa projekte të dobishme, si ai i mbështetjes së duatëve (imamëve të disa xhamive të Shkodrës), kurset e ndryshme verore, ndihmat ndaj nevojtarëve etj.
 
Njëkohësisht, Myftiu ka kërkuar që këto projekte të vazhdojnë dhe të pasurohen me projekte të tjera të dobishme, për të cilat është diskutuar edhe gjatë këtij takimi.
 
Nga ana e tij, edhe Drejtori i Shoqatës “Burimi”, ka vlerësuar bashkëpunimin dhe mirëkuptimin e Myftinisë Shkodër, sidomos në marrëveshjen e bashkëpunimit dypalësh, që ka forcuar edhe më tej frymën e partneritetit dhe bashkëpunimit për qëllimet e përbashkëta në shërbim të vlerave të Thirrjes Islame.