Myftinia Shkodër

Ditën e mërkurë, më 5 shkurt 2014, Myftiu i Shkodrës , Imam Muhamed Sytari, ka pritur në një takim pune Kryetarin e Shoqatës “Istanbul”, z. Ridvan Seferaj.
 
Gjatë takimit, është folur rreth bashkëpunimit të deritanishëm në mes të dy institucioneve dhe thellimit të tij, në drejtim të rritjes dhe forcimit të paraqitjes së Thirrjes Islame në Shkodër dhe në krejt zonën.
 
Myftiu ka falënderuar kontributet e deritanishme të Shoqatës “Istanbul”, ku ka vlerësuar bashkëpunimin me Myftininë e Shkodrës në disa projekte dhe mbështetjen serioze të Medresesë “Haxhi Sheh Shamia”, me dy degët e saj.
 
Edhe Kryetari i “Istanbul”, ka falënderuar bashkëpunimin e deritanishëm të Myftinisë Shkodër dhe ka garantuar se ky mirëkuptim dhe bashkëpunim do të vazhdojë edhe me projekte të tjera të përbashkëta, në shërbim të qëllimeve të dobishme.
 
Dy bashkëbiseduesit kanë diskutuar edhe rreth Qendrës Islame në Perash, e cila pritet të hapë dyert e saj në shërbim të interesave të përbashkëta të Myftinisë Shkodër dhe Shoqatës “Istanbul”.