Myftinia Shkodër

Ditën e shtunë, më 25 janar 2014, Myftiu i Shkodrës, Imam Muhamed Sytari ka pritur në një takim vëllazëror, Myftiun e Gostivarit, Shaqir ef. Fetahu me bashkëpunëtorë.
 
Gjatë takimit, Myftiu i Shkodrës ka shprehur kënaqësinë e tij me rastin e pritjes së Myftiut të Gostivarit, Shaqir ef. Fetahu, një ndër personalitetet më të shquara islame shqiptare në trojet tona në Republikën e Maqedonisë.
 
Gjithashtu, ka ndarë me mikun e tij disa nga kujtimet e bukura të vizitës së tij në Gostivar, para një muaji, me ftesë të Forumit të Rinjve Muslimanë të Gostivarit.
 
Ndërkohë, Myftiu i Gostivarit, ka falënderuar homologun e tij për mikpritjen dhe frymën e bashkëpunimit dhe vëllazërisë islame, që ka ndikuar në afrimin e mëtejshëm të myftinive përkatëse dhe mundësinë e bashkëpunimeve konkrete, me aktivitete të përbashkëta, këshillime, këmbime përvoje etj.
 
Gjatë kësaj vizite, të dy myftilerët kanë këmbyer mendime dhe vështrime rreth realitetit të Thirrjes Islame në trojet tona dhe më tej, si dhe shfaqjet e islamofobisë në trojet shqiptare, si një dukuri që duhet trajtuar me kujdes dhe urtësi.
 
Me rastin e kësaj vizite, Imam Muhamed Sytari ka shoqëruar Shaqir ef. Fetahun në një vizitë në dy medresetë e Shkodrës, ku janë pritur nga Drejtori, z. Kujtim Dervishi, i cili ka bërë një prezantim dinjitoz të arritjeve dhe realitetit të medresesë së Shkodrës, me dy degët e saj.