Ditën e xhuma, më 26 korrik 2013, Myftinia Shkodër ka shtruar një iftar, në të cilin ka ftuar drejtuesit e televizioneve lokale të Shkodrës dhe Malësisë së Madhe, gazetarë, operatorë dhe korepsondentë të ndryshëm të mediave vizive në vend.
           
Në fjalën e tij përshëndetëse, Myftiu i Shkodrës Imam Muhamed Sytari, ka vlerësuar kontributin e madh që gazetarët e Shkodrës kanë dhënë në përcjelljen e lajmeve, aktiviteteve dhe veprimtarive të ndryshme të Myftinisë Shkodër. Për këtë, Myftiu ka shprehur mirënjohjen e tij personale dhe të komunitetit musliman të Shkodrës për këtë punë të vyer. Ai është lutur për suksese dhe mbarësi në jetën profesionale dhe personale të secilit, duke vlerësuar mirësitë e kësaj nate të begatë të Muajit Ramazan.
           
Bashkëbisedime të ngrohta dhe miqësore, i kanë dhënë një frymë familjare kësaj sofre iftari, në natën e nëntëmbëdhjetë të këtij Muaj plot Mirësi e Begati hyjnore.           

Të pranishëm në këtë iftar kanë qenë gazetarë, operatorë e drejtues të: Tv1 Channel, Tv Rozafa, Tv Antena Nord, Tv Kopliku, korespondenti i Zërit të Amerikës, ATSh dhe Radio Jehona.