Ditën e enjte, më 20 qershor 2013, Myftiu i Shkodrës Imam Muhamed Sytari ka ftuar në një takim pune, imamët e Myftinisë Shkodër. Kjo mbledhje vjen në atmosferën e takimeve që Myftiu zhvillon me imamët në prag të muajit Ramazan.
           
Takimi ka nisur me leximin e një pjese kur’anore nga H. Vehbi Dani. Më pas, Myftiu ka mbajtur fjalën e rastit, duke u ndalur në disa pika të rëndësishme, që i paraprijnë pritjes sa më normale dhe me sukses muajit të Ramazanit.
           
Gjatë kësaj mbledhje janë diskutuar gjerësisht disa tematika, që kanë të bëjnë me ruajtjen e frymës së aktivitetit në xhamitë e Shkodrës, nevojës për perfeksionimin e performancës së imamëve në hytbe, derse dhe jashtë xhamisë, nevojën e ruajtjes së frymës së harmonisë dhe vëllazërisë islame dhe mbrojtjen e xhamive nga çdo tendencë përçarëse, nga kushdo qoftë.           

Më pas, Myftiu ka dëgjuar nga imamët shqetësimet dhe mendimet e tyre në lidhje me tematikat e mbledhjes. Në përfundim të mbledhjes, Myftiu ka uruar mbarësi dhe sukses për imamët dhe punën e tyre në shërbim të vlerave islame.