Ditën e enjte, më 2 maj 2013, gjatë fjalës së tij para besimtarëve të pranishëm në tubimin fetar në fshatin Kosmaç, Imam Muhamed Sytari ka përmendur rastin e familjes Kasemi, në shtëpinë e së cilës ra zjarr para disa ditëve, duke shkaktuar dëme materiale.
           
Myftiu kërkoi nga të pranishmit që pas përfundimit të këtij tubimi, të organizohej një fushatë sensibilizuese, për të grumbulluar sadeka, në ndihmë të kësaj familje. Dhe kështu ndodhi. Në fund të tubimit, Myftiu ftoi të pranishmit që ta pasonin në dhënien e sadekasë, sipas mundësisë, për të ndihmuar menjëherë këtë familje me një fëmijë jetim.
           
Shumën e konsiderueshme të mbledhur, Myftiu i Shkodrës, në shoqëri të imamit të xhamisë, imamëve shoqërues të tij dhe këshillin e xhamisë, ia ka dorëzuar personalisht familjes Kasemi, në një vizitë të papritur në shtëpinë e tyre.           

Myftiu ka uruar fillimisht shpëtimin e familjarëve dhe fëmijës jetime, nga shpërthimi i zjarrit. Ai ka thënë se kjo është një sprovë që ka rënë në këtë familje por, ka konfirmuar se bashkësia e muslimanëve është përherë në solidaritet të plotë me njerëzit në nevojë. Myftiu ka shprehur mirënjohje për besimtarët që kontribuuan për këtë ndihmë dhe ka uruar që familja Kasemi ta rimarrë veten sa më parë nga kjo ndodhi e vështirë.