Imam Muhamed Sytari

Muhamed Sytari ka lindur në Shkodër më 21.05.1978. Është diplomuar në Damask të Sirisë nga Fakulteti i Thirrjes Islame ... 

 


Harta e Vizitorëve




 

Ditën e enjte, më 15 nëntor 2012, mbarë bota islame përkujton fillimin e vitit të ri hixhri, që përkon me 1434 vjetorin e emigrimit të Hz. Muhammedit (a.s) nga vendlindja e tij Mekka, drejt qytetit Tajbe, që u quajt më vonë Medine.
 
Me këtë rast, pas namazit të iqindisë së kësaj dite, Myftinia Shkodër ka organizuar në xhaminë e Plumbit një tribunë fetare, ku është përkujtuar kjo ngjarje e rëndësishme e historisë islame.
 
Aktiviteti ka nisur me fjalën hapëse të mbajtur nga teologu Arben Halluni, në të cilën pasi ka uruar të pranishmit për këtë ditë, ka theksuar domosdoshmërinë e përkujtimit të hixhretit si një shkollë përkushtimi në jetën e besimtarëve.
 
Më pas, Myftiu i Shkodrës Imam Muhamed Sytari ka shpjeguar qëllimin e kësaj tribune përkujtimore, duke tërhequr vëmendjen se hixhreti është konsideruar si ngjarja që ndryshoi rrjedhën e historisë së njerëzimit. Ai ka theksuar gjithashtu se për muslimanët shqiptarë, liria e besimit dhe e fjalës, është shumë e shtrenjtë, aq më shumë pas një periudhe të errët, ku besimi u luftua dhe njerëzit u detyruan të mohonin Zotin.
 
Teologu Naim Drijaj, ka mbjatur temën: “Hz. Ebu Bekri dhe Hz. Aliu; shembuj të besnikërisë ndaj Resulull-llahit”, ku ka sjellë shembuj konkretë nga besnikëria e dy prej njerëzve më të afërt të Hz. Muhammedit (a.s) ndaj Zotërisë së bijve të Ademit.
 
Më pas, teologu Bashkim Bajraktari ka hedhur dritë mbi kuptimet e ajetit kur’anor: “Mos u dëshpëro, All-llahu është me ne”, ku ka theksuar se Zoti i gjithësisë i tregoi të dërguarit të Tij dhe mbarë njerëzisë se mbështetja e Zotit vjen në momentin e duhur, si triumf dhe mbështetje hyjnore, në momentet më të vështira të jetës.
 
Në fund, teologu Ruzhdi Plangaj ka bërë mbylljen e këtij tubimi të begatë, duke dhënë disa këshilla të dobishme për të përfituar nga këto ditë të shënuara, si momente kthese në jetën e besimtarit.

 

Tribuna fetare: “1434 vite nga ajo ditë…” - 15 nëntor 2012

Tribuna fetare: “1434 vite nga ajo ditë…” - 15 nëntor 2012

Tribuna fetare: “1434 vite nga ajo ditë…” - 15 nëntor 2012

Tribuna fetare: “1434 vite nga ajo ditë…” - 15 nëntor 2012

Tribuna fetare: “1434 vite nga ajo ditë…” - 15 nëntor 2012

Tribuna fetare: “1434 vite nga ajo ditë…” - 15 nëntor 2012

Tribuna fetare: “1434 vite nga ajo ditë…” - 15 nëntor 2012