Në atmosferën e begatë të Kurban Bajramit, ditën e shtunë, më 27 tetor 2012, Myftinia Shkodër ka organizuar një shfaqje për fëmijët e vegjël muslimanë.

Aktiviteti i drejtuar me shumë kujdes nga edukatorja Valbona Halili (Molla), është konceptuar si një shfaqje e gëzueshme, ku janë ndërthurur leximet e Kur’anit, me ilahitë e bukura, recitimet e fëmijëve të grupit “Muslimani i vogël”, këngët fëminore dhe një “Elegji për Hz. Ibrahimin”.

Për rreth një orë, fëmijët dhe familjarët e tyre kanë kaluar momente shumë të bukura, sidomos gjatë recitimeve plot emocion nga fëmijët e vegjël dhe ilahive të përzgjedhura për këtë shfaqje festive me rastin e Kurban Bajramit.