Imam Muhamed Sytari

Muhamed Sytari ka lindur në Shkodër më 21.05.1978. Është diplomuar në Damask të Sirisë nga Fakulteti i Thirrjes Islame ... 

 


Harta e Vizitorëve




 

Pasditën e së enjtes, më 20 shtator 2012, Myftinia Shkodër ka organizuar një aktivitet kulturor në ndjekje të gjurmëve të profetit Muhammed (a.s). Pjesë e këtij aktiviteti ka qenë shfaqja e filmit “Mesazhi Islam”, me dublim në shqip, në kinema “Millennium”, shoqëruar edhe me shpërndarjen e disa qindra kopjeve të librave që flasin mbi jetën dhe dashurinë e të dërguarit të fundit të All-llahut, hz. Muhammedit (a.s).
           
Para shfaqjes së filmit, teologu Arben Halluni ka shpjeguar se ky aktivitet vjen në vazhdën e frymës së përhapjes së mesazheve të pastra të fesë islame dhe dashurisë për të dërguarin e All-llahut.
           
Më pas, për rreth tre orë, qindra të ftuar kanë përjetuar emocione të mrekullueshme besimi, duke ndjekur dhe shijuar momentet më të bukura nga jeta dhe thirrja islame e hz. Muhammedit (a.s) dhe sahabëve të tij besnikë.
           
Në përfundim të filmit, me shumë emocion, Myftiu i Shkodrës Imam Muhamed Sytari ka theksuar se ky film dhe kjo atmosferë është dëshmi e besimit dhe besnikërisë së muslimanëve të Shkodrës dhe mbarë Shqipërisë ndaj mësimeve dhe fesë së hz. Muhammedit (a.s).
           
Me këtë rast, Myftinia Shkodër ka shpërndarë për pjesëmarrësit edhe tre tituj librash që flasin mbi jetën dhe thirrjen e profetit Muhammed (a.s).
           
Ndonëse ishin ftuar nga Myftinia Shkodër për të marrë pjesë në këtë aktivitet elitar, paradoksalisht, munguan Kryetari i Bashkisë Lorenc Luka, Prefektja e Qarkut Voltana Ademi, Kryetari i Këshillit të Qarkut Maxhid Cungu, Kryetari i Këshillit Bashkiak Bardhyl Lohja dhe Kryetari i grupit të PD në Këshillin Bashkiak Qashif Hoxha.           

Aktiviteti në fjalë ishte një dëshmi e lartë e besimit, sinqeritetit dhe përkushtimit të muslimanëve shkodranë në hak të profetit të tyre.

 

Shkodër, filmi “Mesazhi Islam” dhe libra falas në kinema “Millennium” - 21 shtator 2012

Shkodër, filmi “Mesazhi Islam” dhe libra falas në kinema “Millennium” - 21 shtator 2012

Shkodër, filmi “Mesazhi Islam” dhe libra falas në kinema “Millennium” - 21 shtator 2012

Shkodër, filmi “Mesazhi Islam” dhe libra falas në kinema “Millennium” - 21 shtator 2012

Shkodër, filmi “Mesazhi Islam” dhe libra falas në kinema “Millennium” - 21 shtator 2012

Shkodër, filmi “Mesazhi Islam” dhe libra falas në kinema “Millennium” - 21 shtator 2012

Shkodër, filmi “Mesazhi Islam” dhe libra falas në kinema “Millennium” - 21 shtator 2012