Ata që dikur frikësoheshin nga dërgesa Jote profetike, se do të përmbyste perandorinë e shirkut dhe të idhujtarisë në tokë, lanë trashëgimtarë... Trashëgimtarët e tyre, paskan realizuar një film, nëpërmjet të cilit, përsëri shfaqin frikën e tyre, se drita me të cilën u dërgove do të zbulojë errësirën e mashtrimit, me të cilin sërish e tërheqin njerëzimin drejt humnerave të pashmangshme të idhujtarisë, shirkut e shenjtërimit të pashenjtërueshmes... 

Dhe ata, teksa, jashtë vullnetit të tyre bëhen dëshmitarë të madhështisë Tënde, njëkohësisht dëshmojnë grahmat e një fryme dehëse,  që ka shekuj që abuzon me njerëzimin dhe intelektin e tij, duke u përpjekur ta bëjë besimtar legjendash, mitesh e hije "hubelësh" e "uzzashë" mashtruese, të shpikura nga mendje të pushtuara nga errësira idhujtarie, shirku e diabolizmi...

Ja Resulall-llah... SELAMULL-LLAHI ALEJKE!

Imam Muhamed Sytari
13 shtator 2012