Edhe këtë vit, Myftinia Shkodër në bashkëpunim me televizionin lokal të Shkodrës, Tv1 Channel, organizon ciklin e emisioneve fetare të titulluar: “Ramazani midis nesh”.
           
Gjatë këtyre emisioneve, teleshikuesit do të kenë mundësi të dëgjojnë bashkëbisedime të ndryshme dhe të larmishme fetare, ku të ftuar do të jenë imamë dhe teologë të mirënjohur të Shkodrës dhe përtej saj. Një pjesë e këtij cikli është edhe transmetimi i hytbes së xhumasë që mban Myftiu i Shkodrës gjatë këtij muaji të begatë në xhaminë e Parrucës.
           
Ky cikël emisionesh fetare është realizuar në ambiente të hapura të xhamive të ndryshme të Shkodrës, ku të ftuarit i përgjigjen pyetjeve të spikatura të teologut Arben Halluni.           

Ju mund t’i ndiqni këto emisione çdo të hënë, të mërkure dhe të xhuma, në orën 19.00, si dhe ritansmetimin e tyre çdo të martë, të enjte dhe të shtunë, në orën 12.30. Emisionet mund t’i ndiqni live edhe në adresën zyrtare të televizionit: (www.tv1-channel.tv).