Dita e xhuma, mё 12 nёntor 2010, ishte planifikuar tё falej nё xhaminё e Plumbit, shoqёruar edhe me njё ceremoni zyrtare tё Myftinisё Shkodёr. Ky aktivitet nuk u realizua dot nё kёtё vend pёr shkak tё pёrmbytjeve tё ditёve tё fundit qё shkaktuan edhe pёrmbytjen e xhamisё sё Plumbit.
           
Ndёrkohё, hytben jubilare tё kёsaj xhumaje, Imam Muhamed Sytari, Myfti i Zonёs Shkodёr, e ka mbajtur nё xhaminё e Parrucёs. Nё prani tё njё numri tё madh besimtarёsh, ai ka bёrё thirrje pёr tё kthyer kokёn pas e pёr tё parё me shumё vёmendje persekutimin dhe privimin nga liria e besimit, qё u ushtrua nga sistemi komunist i shtetit shqiptar nё vitet mё tё errёta tё historisё sonё kombёtare. Ai ka bёrё thirrje qё tё mos harrohen hoxhallarёt e nderuar qё u persekutuan, u burgosёn, u internuan, u vranё dhe u dhunuan nga mizoria barbare komuniste. Ai bёri thirrje qё tё mos harrohen minaret e shkatёrruara, xhamitё e prishura dhe mbjellja e frikёs, kudo nё ambientet fetare islame tё Shkodrёs e Shqipёrisё. Duhet bёrё kjo, ka thёnё Myftiu, “sepse po shohim se akoma sot, askush nuk ka kёrkuar falje pёr kёto krime. Bijtё e baballarёve, vazhdojnё tё jenё po aty, me fytyra tё ndryshuara e lёkurё tё tjetёrsuar, por me tё njёjtin avaz e tё njёjtёn dёshirё, me tё njёjtin shpirt e tё njёjtin vullnet!”.
           
Gjatё hytbes sё kёsaj xhumaje, Myftiu ka pёrmendur me dhjetra shembuj nga propaganda e shkuar ateiste kundёr fesё islame, hoxhallarёve dhe xhamive. Nёpёrmjet tyre, ai ka treguar se sa ёshtё luftuar kjo fe nё Shqipёri pёr 23 vite, duke pёrcjellur nё kёtё mёnyrё mesazhet e madhёshtisё sё lirisё sё besimit qё jetojmё sot, si dhe nevojёn e pёrfitimit nga kjo liri pёr thellimin e marrёdhёnies me fenё dhe mёsimet e saj.
           
Pas faljes sё namazit tё xhumasё, Myftiu ka kёrkuar nga tё pranishmit qё tё luten pёr shpirtrat e hoxhallarёve tё shkuar, tё cilёt u sprovuan nё fenё e tyre gjatё periudhёs ateiste tё sistemit komunist.
           
Njёkohёsisht, ai ka lajmёruar tё gjithё besimtarёt se namazi i Kurban Bajramit, ditёn e martё, mё 16 nёntor 2010, do tё falet nё sheshin pranё xhamisё “Ebu Bekёr”.