Ditёn e xhuma, mё 5 nёntor 2010, në xhaminё e Parrucёs ёshtё organizuar ceremonia pёr pёrcjelljen e haxhilerёve shkodranё pёr vitin 2010, tё cilёt udhёtojnё drejt vendeve tё shenjta nё Mbretёrinё Arabe Saudite pёr kryerjen e haxhit.
           
Pas faljes sё namazit tё iqindisё, besimtarёt e shumtё tё pranishёm kanё marrё pjesё nё kёndimin e telbijes sherife, duke i dhёnё njё atmosferё haxhi xhamisё sё Parrucёs.
           
Nё fjalёn e tij pёrshёndetёse, Myftiu i Shkodrёs Imam Muhamed Sytari, ka uruar haxhilerёt e kёtij viti pёr kёtё mirёsi tё madhe me tё cilёn i ka veçuar Zoti i gjithёsisё. “Tё dashur miq tё All-llahut! Ju po shkoni drejt mё tё shenjtit vend nё botё! Po shkoni nё vendlindjen e Resulull-llahit (a.s)! Kudo qё tё shkelni, aty ёshtё djersa, mundi, sakrifica e gjaku i Resulull-llahit, sahabёve e besimtarёve tё pёrkushtuar qё me dashurinё e tyre pёr Zotin Njё, nuk u kursyen nё rrugёn e lartёsimit tё Fjalёs sё Tij. Po ju lё amanet qё kur tё shkoni atje, mos ta harroni Shkodrёn e Shqipёrinё, tё luteni pёr mirёqenien, begatinё e mirёsinё tonё! Amanet, t’i pёrcillni selamet tona mё tё pёrzemёrta tё dashurit tonё, Resulull-llahit (a.s), Ebu Bekrit, Omerit e nёnёs sonё Aishe. Thoni tё dёrguarit tё All-llahut se jemi nё besёn e tij, nuk ia kthejmё shpinёn fesё sё All-llahut e jemi tё vendosur ta pёrcjellim kёtё dritё edhe tek brezat qё po vijnё! Qofshi nё mburojёn e All-llhut dhe ju qoftё rruga e mbarё e adhurimi i pranuar, tё dashur haxhilerё”- ka thёnё ndёr tё tjera, me shumё emocion, Myftiu.
           
Pas pёrfundimit tё ceremonisё, tё pranishmit janё rreshtuar nё oborrin e xhamisё Parrucё dhe nёn shoqёrinё e telbijes sherife nga minaret e saj, kanё bёrё edhe pёrshёndetjen e haxhilerёve tё kёtij viti.

V.Mehmeti