Ditёn e mёrkurё, mё 3 nёntor 2010, stafi i Myftinisё Shkodёr ka marrё pjesё nё punimet pёr pastrimin e plotё tё territorit tё jashtёm tё Xhamisё sё Plumbit. Gjatё gjithё kёsaj jave Myftinia Shkodёr ka ndёrmarrё njё sёrё ndёrhyrjesh pёr rehabilitimin e plotё tё pjesёs ballore tё kёsaj xhamie shumёshekullore. Nё fjalёn e tij para mediave tё pranishme, Myftiu i Shkodrёs Imam Muhamed Sytari ka theksuar se kjo inisiativё e Myftinisё Shkodёr vjen nё kohёn e duhur, pёr t’i dhёnё njё pamje sa mё normale Xhamisё sё Plumbit dhe territorit pёrreth saj. Ai ka falёnderuar tё gjithё pjesёmarrёsit dhe kontribuesit pёr kёtё ndёrhyrje tё domosdoshme pёr sistemimin e Xhamisё sё Plumbit.
           
Nёn drejtimin e Myftiut, pjesёtarёt e stafit tё Myftinisё Shkodёr janё angazhuar maksimalisht pёr tё pastruar krejtёsisht territorin e kёsaj xhamie.
           
Pas njё pune intensive, pak para namazit tё akshamit, sheshi para Xhamisё sё Plumbit ёshtё pastruar tёrёsisht dhe pritet qё ditёn e nesёrme tё nisё faza e re pёr sheshimin dhe rrethimin e krejt pronёs sё kёsaj xhamie tё shtrenjtё pёr muslimanёt e Shkodrёs dhe krejt Shqipёrisё.

Kleves Kraja