Me rastin e ditёve tё muajit Shevval, nё tё cilat ёshtё i pёlqyer agjёrimi pёr tё pasuar me adhurime dhe lutje madhёshtinё e muajit Ramazan, Myftinia Shkodёr ka organizuar njё aktivitet fetar dhe agjёrimin e pёlqyer nё kёtё muaj.
           
Ditёn e shtunё, mё 18 shtator 2010, nё xhaminё e Parrucёs, ёshtё organizuar njё bisedё fetare mbi vlerat dhe dobitё e agjёrimit tё 6 ditёve pasuese tё Ramazanit nё muajin Shevval. Nё bisedёn fetare, imami i xhamisё Parrucё, teologu Naim Drijaj ka hedhur dritё mbi argumente tё ndryshme nga hadithet e profetit Muhammed (a.s) dhe thёniet e dijetarёve qё nxisin kёtё agjёrim.
           
Aktiviteti ёshtё pёrshёndetur edhe nga Myftiu i Shkodrёs Imam Muhamed Sytari, i cili ka vlerёsuar kёto aktivitete, qё mbledhin besimtarёt nё xhami dhe sofrat e iftarit.
           
Pas faljes sё namazit tё akshamit me xhemat tё pranishmit dhe tё ftuarit nё kёtё aktivitet kanё marrё pjesё sё bashku nё iftarin e shtruar nga Myftinia Shkodёr me kёtё rast. Nё fillim tё kёtij iftari, Myftiu ka uruar tё pranishmit pёr agjёrimin e kёsaj dite dhe ka kёrkuar vijimёsinё e kёsaj tradite tё vjetёr qё e ka origjinёn nё ditёt e jetёs sё profetit Muhammed (a.s).

V.Mehmeti