Ditёn e hёnё, mё 6 shtator 2010, nё ambientet e rezidencёs qeveritare, “Vila 31”, kryeministri i Shqipёrisё, z. Sali Berisha, ka shtruar njё iftar me rastin e muajit tё begatё tё Ramazanit.
           
Nё kёtё iftar janё ftuar pёrfaqёsuesit mё tё lartё fesё islame nё Shqipёri, Kosovё e Maqedoni, kryetari i Komunitetit Musliman tё Shqipёrisё, H. Selim Muça, kryetari i Bashkёsisё Islame tё Kosovёs, Mr. Naim Tёrnava, kryetari i Bashkёsisё Fetare Islame tё Maqedonisё, H. Sulejman Rexhepi, myftilerё dhe imamё, pёrfaqёsues tё komuniteteve fetare, drejtuesi i tarikatit Bektashi, H. Reshat Bardhi, drejtues tё instituteve islame, shoqatave islame etj.
           
Nё fjalёn e tij tё hapjes, Hirёsia e Tij, H. Selim Muça, pasi ka falёnderuar kryeministrin pёr kёtё sofёr tё begatё dhe mesazhet qё ajo pёrmban nё vetёvete, ka theksuar se iniciativa tё tilla nxisin respektin ndaj besimit dhe besimtarёve dhe shёrbejnё pёr tё forcuar urat e komunikimit nё shoqёri.
           
Nё kёtё iftar tё pёrzemёrt e vёllazёror, kryeministri Berisha, ka vёnё theksin te vlerat e besimit ndёr shqiptarё dhe ka vlerёsuar kontributin e çmuar tё prijёsve muslimanё nё konsolidimin e mёtejshёm tё frym��s sё harmonisё dhe vёllazёrisё nё vend. Ai ka falёnderuar tё pranishmit pёr angazhimin pёr tё pёrçuar mёsimet e pastra tё fesё tek individёt e shoqёrisё shqiptare. Njёkohёsisht, ai ka uruar besimtarёt muslimanё edhe pёr festёn e Fitёr Bajramit.
           
Gjatё kёtij iftari, Myftiu i Shkodrёs Imam Muhamed Sytari, i ka dhuruar kryeministrit Sali Berisha njё simbolikё tё besimit nё qytetin e Shkodrёs, duke e garantuar se nga minaret e xhamive tё Shkodrёs, çdo ditё dёgjohet ezani i harmonisё e vёllazёrisё pёr mbarё njerёzinё.
           
Nё pёrfundim tё kёtij iftari, tё pranishmit janё takuar dhe kanё shkёmbyer pёrshёndetjet e rastit me kryeministrin e vendit, z. Sali Berisha.            

V.Mehmeti