Ditёn e shtunё, mё 4 shtator 2010, Myftinia Shkodёr ka organizuar njё iftar nё mjediset e Grand Hotel Europa, nё prag tё Natёs sё Kadrit. Nё kёtё sofёr tё begatё ka marrё pjesё edhe kryetari i Komunitetit Mysliman tё Shqipёrisё, H. Selim Muça, Myftiu i Nderit i Shkodrёs, H. Faik Hoxha, Myftiu i Shkodrёs Imam Muhamed Sytari, prefekti i Shkodrёs, z. Maxhid Cungu, kryetari i Bashkisё Shkodёr, z. Lorenc Luka e shumё personalitete tё politikёs, biznesit, shkrimtarё, mjekё, studiues e intelektualё tё qytetit. Nё kёtё iftar tё pranishёm kanё qenё edhe myftilerёt e Hasit, Tropojёs, Lezhёs dhe Malёsisё sё Madhe.
           
Nё fjalёn e tij pёrshёndetёse, Myftiu i Shkodrёs, Imam Muhamed Sytari ka vlòerёsuar rёndёsinё e kёtij tubimi dhe kёsaj sofre tё begatё, nё t�� cilёn njerёzit mblidhen si tё barabartё para Zotit, mё tё dashur me njёri-tjetrin, mё tё afёrt e mё tё ndjeshёm. Ai ka falёnderuar edhe mbёshtetjen e pronarit tё Grand Hotel Europa, z. Agron Çela, i cili ka sponsorizuar kёtё sofёr tё begatё tё kёsaj nate Ramazani.
           
Mё pas, tё pranishmit kanё kaluar njё mbrёmje tё kёndshme, nё harmoni me shpirtin e kёsaj sofre dhe mirёsive tё pakufishme tё Ramazanit.            Nё pёrfundim tё kёtij iftari, kryetari i Komunitetit Mysliman tё Shqipёrisё, H. Selim Muça, ka bёrё duanё e rastit dhe ka falёnderuar organizatorёt si dhe sponsorizuesin e kёsaj sofre vёllazёrore.