Ditёn e xhuma, mё 3 shtator 2010, teleshikuesit kanё patur mundёsi tё ndjekin bisedёn fetare nё studion e Tv1 Channel tё Myftiut tё Shkodrёs Imam Muhamed Sytari, nё serinё e fundit tё ciklit tё emisioneve “Ramazani midis nesh”, organizuar nga Myftinia Shkodёr nё ditёt e Ramazanit 1431/2010.
           
Emisioni i ideuar dhe drejtuar nga teologu Arben Halluni ka nisur ditёn e parё tё kёtij Ramazani, mё 11 gusht 2010, ku i ftuar nё studio ka qenё Myftiu i Shkodrёs Imam Muhamed Sytari.

Ky cikёl emisionesh ka vazhduar tё transmetohet tre herё nё javё, tё mёrkurёn, tё  xhumanё dhe tё dielёn. Nga njё orё para iftarit, teleshikuesit e Tv1 Channel kanё patur mundёsi tё ndjekin bisedat fetare tё zhvilluara nga tё ftuar tё ndryshёm, ku pёrveç Myftiut tё Shkodrёs, ёshtё ftuar edhe ai i Malёsisё sё Madhe, teologu Edmir Smajlaj, imami i xhamisё sё Parrucёs, teologu Naim Drijaj, nёndrejtori i medresesё “Haxhi Sheh Shamia”, teologu Artur Tagani, si dhe biseda ekskluzive me muslimanen e re britanike Hana Wilde.

Ky cikёl emisionesh ёshtё pasuruar edhe me dy vase nga dijetari i shquar shkodran, Shejkh Vehbi S. Gavoçi, si dhe pёrshёndetja e Ramazanit nga dr. Zekerija Bajrami bёrё nga Myftinia Shkodёr, me rastin e kёtij Ramazani. Pjesё e kёtij cikli ka qenё edhe transmetimi i hytbes sё xhumasё mbajtur nga Myftiu i Shkodrёs Imam Muhamed Sytari, nё xhaminё “Ebu Bekёr”, mё 27 gusht 2010.
           
Me kёtё aktivitet, Myftinia Shkodёr ёshtё munduar tё jetё sa mё pranё besimtarёve muslimanё, nёpёrmjet ekranit tё Tv1 Channel. Kёshillat fetare, pёrgjigjet e pyetjeve tё ndryshme, tematika e larmishme dhe interesi i treguar nga moderatori i kёtij projekti, janё tiparet dalluese qё e kanё bёrё atё tё dashur e tё kёrkuar nga teleshikuesit.
           
All-llahut i lutemi t’i shpёrblejё me tё mirat e Tij, organizatorёt, pjesёmarrёsit dhe kontribuesit pёr mbarёsinё e kёtij projekti tё dobishёm, qё u bё rrugёtar me agjёruesit nё ditёt e begata tё kёtij muaji.

V.Mehmeti