E xhumaja e tretё e kёtij Ramazani nё xhaminё “Ebu Bekr”, ёshtё falur nga Myftiu i Shkodrёs Imam Muhamed Sytari. Nё hytben e kёsaj xhumaje, ai ka folur mbi lidhjet historike tё muslimanёve me muajin Ramazan, duke pёrmendur disa nga ngjarjet mё tё rёndёsishme tё ndodhura nё kёtё muaj ndёr shekuj.
           
“Ramazani ёshtё muaji i ngjarjeve tё rёndёsishme nё historinё e muslimanёve. Ai ёshtё njё muaj energjik dhe dinamik pёr muslimanin, nё çdo kohё e çdo vend. Po tё hedhim sytё nё historinё e kёtyre 14 shekujve, do tё shohim se Ramazani ёshtё i mbushur me ngjarje tё shumta, qё vizatojnё nё vetёvete mirёsinё dhe begatinё e kёsaj feje dhe pasuesve tё saj. Nё Ramazan nisi shpallja e Kur’anit, Libri hyjnor i fundit. Nё Ramazan, Hz. Muhammedi (a.s) u pёrzgjodh si i dёrguar i fundit i All-llahut. Ai u dёrgua me mёshirё! Nё Ramazan, muslimanёt hynё pёr herё tё parё nё Evropё. Nё Ramazan, muslimanёt triumfuan nё Bedr, nё Mekkё...”- ka thёnё ndёr tё tjera Myftiu.
           
Mё pas ai ka folur edhe pёr realitetin e hidhur tё nёpёrkёmbjes sё pronave tё muslimanёve nё vendin tonё gjatё kёtyre 20 viteve. “Sistemi komunist i sekustroi dhe i tjetёrsoi pronat e muslimanёve shqiptarё. Bijtё e tyre qё vazhdojnё rrugёn e nёpёrkёmbjes sё tё drejtave tё njeriut e besimtarёve, ka 20 vite qё e bёjnё kёtё gjё nё njё formё tё re dhe pёr kёtё nuk duhet heshtur!”- ka thёnё ai.
           
Hytbeja e mbajtur nga Myftiu Imam Muhamed Sytari ёshtё regjistruar edhe nga Tv1 Channel dhe do tё transmetohet sot, ditёn e xhuma, mё 27 gusht 2010, para iftarit nё emisionin “Ramazani midis nesh”.

V.Mehmeti