Pas aktivitetit fetar tё zhvilluar ditёn e dielё, mё 15 gusht 2010, nё ambientet e Grand Hotel Europa, me rastin e dhjetё ditёve tё para tё Ramazanit, Myftinia Shkodёr ka organizuar sot, tё shtunёn, mё 21 gusht 2010, nё sallёn e madhe tё konferencave tё GH Europa, aktivitetin fetar me temё: “Mesi i tij ёshtё falje…”.
           
Aktiviteti ka nisur me leximin e disa ajeteve kur’anore nga teologu Naim Drijaj, imam i xhamisё Parrucё. Mё pas, moderatori i kёtij aktiviteti, teologu Arben Halluni ka ftuar Myftiun e Shkodrёs Imam Muhamed Sytari pёr tё mbajtur pёrshёndetjen e kёtij tubimi.
Pas fjalёs sё Myftiut, ai ka ftuar me radhё referuesit pёr tё mbajtur fjalёt pёrkatёse.
           
Nё kёtё aktivitet fetar kanё referuar teologёt Evans Drishti, Altin Nikshiqi dhe Bashkim Bajraktari, tё cilёt kanё shpjeguar para tё pranishёmve konceptet e faljes e tolerancёs nё Islam, ajetet e faljes dhe pendimit nё Kur’an, madhёshtinё e pёrkujtimit tё All-llahut nёpёrmjet emrave tё Tij tё faljes etj.
           
Ky tubim fetar me rastin e fillimit tё dhjetё ditёve tё dyta tё Ramazanit, ditёve tё faljes, ёshtё pёrshёndetur edhe nga H. Faik Hoxha, Myfti Nderi i Shkodrёs. Nё fjalёn e tij ai ka kujtuar edhe disa momente shumё tё kёndshme nga vaset e Hafiz Sabri Koçit nё lidhje me temёn e aktivitetit.
          

Ilir Dizdari