Paraditën e së martës, më 29 maj 2012, Imam Muhamed Sytari ka pritur në një takim të përzemërt Myftiun e Tropojës, z. Eduart Demiraj. 

Pasi është interesuar për gjendjen e Myftinisë Tropojë dhe aktivitetin e saj, Myftiu i Zonës Shkodër Imam Muhamed Sytari, ka dhënë disa mendime për shtimin e aktivitetit fetar dhe bashkëpunimin e Myftinisë Tropojë me Myftininë e Zonës Shkodër, në kuadër të zhvillimit të mëtejshëm të marrëdhënieve ndërmjet dy myftinive dhe përhapjes së vlerave islame në trojet shqiptare.
           
Gjatë këtij takimi, është rënë dakord se duhen shtuar takimet dhe konsultimet e ndërsjellta në shërbim të qëllimeve të larta të Thirrjes Islame. Është vendosur që në kuadër të aktiviteteve të larmishme që zhvillon Komuniteti Mysliman i Shqipërisë në territorin e vendit, të shtohet mundësia e aktiviteteve të përbashkëta fetare dhe kulturore, në Shkodër dhe në Tropojë.             

Gjatë kësaj vizite, Myftiu i Tropojës ka vizituar edhe xhaminë e Plumbit dhe gjurmët e vjetra përreth saj, Medresenë “Haxhi Sheh Shamia”, si dhe disa xhami të tjera të qytetit.